होन्डाले ल्याउने भयो २८४ एमएम ग्राउन्ड क्लियरेन्स भएको ३०० सीसीको ड्युअल स्पोर्ट सीआरएफ मोडल

होन्डाले भारतमा सीआरएफ ३००एल बाइक नेम पेटेन्ट गरेको छ । यसको अर्थ आगामी दिनमा सीआरएफ सिरिजमा ३०० सीसीको मोटरसाइकल लन्च हुनेछ ।

सीआरएफ भनेको होन्डाको ड्युअल स्पोर्ट मोडल हो । यसको सबैभन्दा माथिल्लो श्रेणीको मोडल सीआरएफ ११०० छ, जसलाई अफ्रिका ट्विन पनि भनिन्छ ।

होन्डा सीआरएफ ३००एल मा सीबी३००आरको इन्जिन प्रयोग हुनेछ, जसलाई होन्डाले पहिले नै भारतीय बजारमा बिक्री गरिसकेको छ ।

विशेष उद्देश्यका साथ डिजाइन गरिएकाले यसको ग्राउन्ड क्लियरेन्स २८४ एमएम उचाईको छ । त्यसैगरी सिटको उचाई ८८० एमएमको हुनेछ । यसमा ४३ एमएम फ्रन्ट यूएसडी हुनेछ भने २१/१८ इन्चको टायर कम्बिनेसन हुनेछ ।

होन्डाले सीआरएफ२५० र ३०० मोडल पहिले देखि नै थाइल्यान्ड र इन्डोनेसिया जस्ता एसियाली बजारमा बिक्री गरिसकेको छ । भारतीय बजारमा कहिले आउछ, अहिले नै भन्न सकिदैन ।

नेपाली बजारमा समेत यो मोटरसाइकल आउछ वा आउदैन, अहिले नै भन्न सकिदैन । नेपाली बजारमा हाल उपलब्ध सीआरएफ १५०एल र १९०एल निकै नै लोकप्रिय छन् ।