निषेधाज्ञामा खाद्यान्न सकिएमा यी नम्बरमा कल गर्न सकिने, हुनेछ घरैमा डेलिभरी

काठमाडौँ - उपत्यकामा कोभिड–१९ सङ्क्रमण महामारी नियन्त्रण तथा व्यवस्थापनका लागि जारी निषेधाज्ञा शुक्रबारदेखि थप प्रभावकारी बनाइने अधिकारीहरूले बताएका छन् । हालै जारी भएको कोभिड–१९ सङ्कट व्यवस्थापनसम्बन्धी अध्यादेश बमोजिम निषेधाज्ञा उल्लङ्घन गर्ने व्यक्तिलाई शुक्रबारदेखि नगद जरिवाना तथा कैद सजाय हुने उपत्यकाका जिल्ला प्रशासन कार्यालयले जानकारी दिएका छन् ।

निषेधाज्ञा थप कडाइ गरिएसँगै आजदेखि निजीस्तरमा किराना पसल र डिपार्टमेन्टल स्टोरसमेत पूर्ण रुपमा बन्द गरिएको छ ।

निषेधाज्ञाको मोडालिटी परिर्वतन गरेपछि दैनिक उपभोग्य सामान खरिदमा समस्या हुने भन्दै निर्णयको विरोध भइरहेका बेला जिल्ला प्रशासन काठमाडाैंले त्यस्ता वस्तुको आपूर्ति सहज पार्न नेपाल खाद्य व्यवस्था तथा व्यापार कम्पनी लिमिटेड र साल्ट ट्रेडिङ कर्पोरेशन लिमिटेडका तर्फबाट माेबाइल गाडीकाे व्यवस्था गरिएकाे जानकारी दिएकाे छ ।

सरकार मातहतका ती निकायले तेल, नुन, चामल, आँटा, दाल, चिनीलगायत अति आवश्यकीय खाद्यवस्तु घरमा डेलिभरी गरिदिने छन् ।

 प्रशासनले त्यसका लागि कम्पनीको फोन नम्बर पनि सार्वजनिक गरेको छ । नागरिकले खाद्य सामग्री मगाए मोबाइल गाडीबाट घरमै लैजाने व्यवस्था मिलाइएको भनिएको छ ।