सिद्धबाबा सडक खण्डमा बन्ने भयो सुरुङ, ग्लोबल टेन्डर आह्वान

बुटवल – नेपाल सरकारले सिद्धार्थ राजमार्ग अन्तर्गत सिद्धबावा सडक खण्डमा सुरुङ खन्न टेन्डर आह्वान गरेको छ ।

नेपाल सरकार भौतिक पुर्वाधार तथा यातायात मन्त्रालयले एक महिने सूचना प्रकाशित गर्दै सुरुङ खन्ने प्रक्रियाका लागि ग्लोवल टेन्डर आह्वान गरेको हो । यो टेन्डर आह्वान सँगै मृत्युमार्ग बनेको सिद्धार्थ राजमार्गको सिद्धवावा सडकखण्डमा सूरुङ बन्ने निश्चित भएको छ ।

गत बर्ष अर्थ मन्त्रालयले बजेट स्वीकृत गर्दै भौतिक पुर्वाधार तथा यातायात मन्त्रालयलाई पत्र लेख्दै बार्षिक बजेटमा १० अर्व १५ करोडको सिमा भित्र रहेर खरिद प्रक्रिया अगाडि बढाउन भनेको थियो ।

सुरुङमार्गको लागि निरन्तर प्रयत्न गर्दै आएका अर्थमन्त्री बिष्णु पौडेलले सिद्धबावा सडकमा सुरुङ निर्माण सुरु गर्न ब्रेकथ्रु भएको भन्दै खुसी ब्यक्त गरका छन् । उनले अब सुरुङमार्ग बनाउने कामको मुखमा पुगेको र अन्तर्राष्टिय स्तरका निर्माण ब्यवसायीहरुको सहभागितामा सूरुङ निर्माण कार्य अगाडि बढ्ने बताएका छन् ।