हस्कभर्ना ई–पिलेन इलेक्ट्रिक मोटरसाइकल २०२२ मा लन्च हुने

हस्कभर्नाले केही दिन पहिले सार्वजनिक गरेको इलेक्ट्रिक मोटरसाइकल कन्सेप्ट ई–पिलेन सन् २०२२ मै लन्च हुने भएको छ । हालै एक कार्यक्रममा यसको प्यारेन्ट कम्पनी पियरेर मोबिलिटीले यसको जानकारी दिएको हो । यसका साथमा हस्कभर्नाको अर्को स्कुटर पनि त्यही वर्ष लन्च हुनेछ । यो भन्दा पहिलो सो स्कुटर २०२१ मै लन्च हुने बताइएको थियो ।

ई–पिलेनको डिजाइन हालको नेकेड हस्कभर्ना स्कुटर जस्तै हुनेछ, यद्यपि यसमा केही फ्युचरिस्टिक डिजाइन पनि दिइने छ । यो भविष्यको इन्ट्री लेवल मोटरसाइकल हुनेछ र यसमा केटीएम वा बजाजकै जस्तो साझा प्लेटफर्म प्रयोग गरिने छ ।

यसमा ४ देखि १० किलोवाट सम्मको मोटर हुनेछ । यसमा मोडुलर ब्याट्री प्रयोग गरिने र स्वापेबल हुनेछ ।

हस्कभर्नाले केही दिन पहिले सार्वजनिक गरेको भिडियो अनुसार यसको रेन्ज १०० किलोमिटर सम्म हुनेछ ।