रिभर्स पार्किङ असिस्ट सहित आयो २०२१ मारुती सुजुकी सुपर क्यारी मिनी ट्रक

मारुती सुजुकीको लाइट कमर्सियल भेइकल सुपर क्यारी रिभर्स पार्किङ असिस्ट सिस्टमको साथमा अपडेट गरिएको छ । सो सुरक्षा फिचर स्ट्यान्डर्ड फिटमेन्टको रुपमा समावेश गरिनेछ । सो मिनी ट्रक सुपर क्यारी सजिलै पार्किङ गर्न पनि सकिने भएको छ ।

सुपर क्यारी नयाँ फिचरको कारणले १८ हजार भारु महँगो भएको छ । २०२१ सुपर क्यारीको सुरुवाती एक्स शोरुम मूल्य ४ लाख ४८ हजार भारु रहेको छ । यसको टप मोडलको मूल्य ५ लाख ४६ हजार भारु रहेको छ ।

सुपर क्यारी मिनी ट्रकको लम्बाई २१८३ एमएम र चौडाई १४८८ एमएम रहेको छ । जसलाई सामान ढुवानी गर्नको लागि डिजाइन गरिएको छ । यसमा ७४० किलोग्राम लोड क्षमता रहेको छ । यसको ग्राउन्ड क्लियरेन्स १७५ एमएम रहेको छ । सो मिनी ट्रकको सबै भेरिएन्टमा आरपीएएस सिस्टमको नयाँ भर्सन अपडेट गरिएको छ ।

सो मिनी ट्रक पेट्रोल र पेट्रोल प्लस सीएनजी भेरिएन्टमा उपलब्ध रहेको छ । यसको इन्जिन बीएस६ इन्धन उत्सर्जन मानकका अनुसार अपडेट गरिएको छ । यसमा १.२ लिटर इन्जिन समावेश गरिएको छ । जसले ७२.४ बीएचपीको पावर र ९८ एनएमको टर्क जेनेरेट गर्छ । यद्यपि सो भेइकलको सीएनजी भेरिएन्टमा पेट्रोल इन्जिन समावेश गरिएको छ । सो मोडलको इन्जिनले ६४.३ बीएचपीको पावर र ८५ एनएमको टर्क जेनेरेट गर्छ । सो इन्जिनको साथमा ५ स्पिड म्यानुअल गियरबक्स ट्रान्समिसन समावेश गरिएको छ ।