निषेधाज्ञाको दोस्रो दिन : यस्तो देखियो काठमाडौंको सडक

काठमाडौं – हिजो देखि प्रारम्भ भएको निषेधाज्ञाको आज दोस्रो दिन हो । काठमाडौं उपत्यकाका सडकमा आज हिजोको तुलनामा कम मात्र सवारी साधन चले । हिजो पहिलो दिन भएकाले ट्राफिक प्रहरीले पनि केही खुकुलो गरेको भए पनि आज भने आवागमनमा पनि केही कडाई गरेको छ ।

ट्राफिक प्रहरीले हिजो २ हजार भन्दा बढी सवारी साधन नियन्त्रणमा लिएको जनाएको थियो । आज पनि विभिन्न स्थानमा सवारी साधन नियन्त्रणमा लिनुका साथै कारवाही समेत गरेको छ ।

अति आवश्यक काम वाहेक घर वाहिर ननिस्कन र अनिवार्य रुपमा मास्कको प्रयोग गर्न समेत प्रहरीले अनुरोध गरेको छ ।

तस्बिरहरु : नवराज वाग्ले