निषेधाज्ञा उल्लंघन गर्ने सवारीसाधन प्रहरी नियन्त्रणमा, बेलुका ७ बजेमात्र छाडिने

काठमाडौं– काठमाडौं उपत्यकामा आज बिहानैदेखि निषेधाज्ञा लागू भएको छ । निषेधाज्ञाबीच सवारीसाधन चलाउनेलाई बिहानैदेखि प्रहरीले नियन्त्रणमा लिन थालेको छ। कार्यालय समयमा भने सवारी साधनको चाप पनि देखिएको छ ।

ट्राफिक प्रहरीले उपत्यकाका विभिन्न ४० स्थानमा चेक प्वाइन्ट बनाई सवारी जाँच गरिरहेको ट्राफिक प्रमुख एसएसपी जनकराज भट्टराईले बताए।

विनाअनुमति चलाएका सवारीसाधन ट्राफिक प्रहरीले नियन्त्रणमा लिइरहेको छ।

नियन्त्रणमा दिइएका सवारीसाधन आवश्यक कारबाहीपछि बेलुका ७ बजेमात्र छाडिने एसएसपी भट्टराईले बताए।