भारतीय राजदुतावासलाई अशोक लेल्यान्डको एड्भान्स लाइफ सपोर्ट एम्बुलेन्स हस्तान्तरण

काठमाडौं – नेपालमा अशोक लेल्यान्डको आधिकारिक वितरक आइएमई ग्रुप अन्तर्गतको आइएमई मोटर्स प्रालिले एक कार्यक्रम बीच भारतीय राजदुतावासलाई दुई थान सुविधा सम्पन्न एड्भान्स लाइफ सपोर्ट एम्बुलेन्स हस्तान्तरण गरेको छ ।

नेपाल भारत मैत्री विकास साझेदारी कार्यक्रम अन्तर्गत एम्बुलेन्स उपहार स्वरुप हस्तान्तरण गरिएको बताएको छ । दुतावासले स्वास्थ्य तथा शिक्षाको क्षेत्रमा काम गरिरहेका नेपालका विभिन्न सरकारी तथा गैरनाफामूलक संघ–संस्थाहरुलाई एम्बुलेन्स साथै स्कुल बसहरु उपहारस्वरुप प्रदान गरेको हो ।

स्वास्थ्य सेवा, विशेषगरी आपतकालीन स्वास्थ्य सेवाको पहुँचलाई सहज बनाउन नेपाल सरकारको प्रयासमा भारत सरकारले निरन्तर सहयोग गर्दै आएकोमा थप एम्बुलेन्सहरु उपहार स्वरुप प्रदान गरेको बताएको छ । राजदुतावासले ती एम्बुलेन्सहरु सहिद गंगालाल हृदयरोग केन्द्र बाँसवारी र धुलिखेल अस्पताललाई पुनः दिएको बताएको छ ।

आइएमई मोटर्सले एम्बुलेन्स सहित विशेष सुविधायुक्त दमकल, मोर्टर्युरी भ्यान, ट्रक टिपर, स्कुल बस सहित साना तथा ठूला कमर्सियल गाडीहरु बिक्री–वितरण गर्दै आएको छ । साथै आर्मी पुलिसका लागि प्रयोग हुने विशेष गाडीहरु पनि उपलब्ध गराउदै आएको बताएको छ ।