युरोपेली बजारबाट नेपालको सोरुम आइपुग्यो फिचर लोडेड स्कोडा कोडियाक एसयूभी

काठमाडौं – स्पोर्टी दृश्य, क्रिस्टलाइन डिजाइन, क्लास लिडिङ सेफ्टी र ‘सिम्प्ली क्लेभर’ सोलुसनले भरिएको अल न्यु स्कोडा कोडियाक नेपालको स्कोडा सोरुममा आइपुगेको छ । सन् २०१८ मा पहिलो पटक नेपाली बजारमा उपलब्ध स्कोडा कोडियाक हाल ग्राहकको चाहना बमोजिम फेरि युरोपबाट निर्यात गरी नेपाली बजारमा उपलब्ध गराइएको छ ।

स्कोडाको नेपालका लागि आधिकारिक वितरक एमएडब्ल्यु इन्टरप्राइजेज प्रालिले नयाँ स्कोडा कोडियाक नेपाली बजारमा उपलब्ध गराएको हो । सो एसयूभीको लम्बाई ४.७० मिटर छ भने यसमा क्लासमै सबैभन्दा ठूलो बुट स्पेस रहेको छ । उच्च सेगमेन्टका गाडीमा मात्र पाइने प्रशस्तै इन्टेरियर स्पेस, प्राक्टिकल इन्टेलिजेन्स र इनोभेटिभ टेक्नोलोजी स्कोडा कोडियाकमा उपलब्ध छ । पावर, पर्फमेन्स, कम्फर्ट र नेक्स्ट जेन टेक्नोलोजी जस्ता प्रिमियम फिचर यसमा पाउन सकिन्छ ।

स्कोडा कोडियाकमा भएको टोर्नाडो लाइन, सटिक किनारा र क्रिस्टलाइन प्रभावले यसको फरक स्टाइललाई प्रस्तुत गरेको छ । यसको नयाँ डिजाइन ल्यांग्वेजले एसयूभी सेगमेन्टमा गाडीको भर्सटाइल छविमा अझै निखारता ल्याएको छ ।

नयाँ स्कोडा कोडियाकमा २.० टीडीआई इन्जिन रहेको छ, जसले १५० पीएस पावर र ३४० एनएम टर्क जेनेरेट गर्छ । यसमा ७–स्पिड ड्युअल क्लच ट्रान्समिसन छ । यो गाडीले १०.१ सेकेन्डमा ० देखि १०० किलोमिटर प्रतिघण्टाको स्पिड लिन सक्छ भने यसको टप स्पिड १९२ किलोमिटर प्रतिघण्टा छ ।

यो गाडीमा सुरक्षाका लागि अन्य कुराका अतिरिक्त ९ एयरब्याग, प्यानोरामिक सनरुफ, फ्रन्ट तथा रियर हिटेड सिट र हिटेड स्टेयरिङ ह्विल आदि थप फिचरको रुपमा उपलब्ध छन् । त्यसैगरी ईबीडी सहितको एबीएस, ब्रेक असिस्ट, मल्टी–कोलिजन ब्रेक, अल–राउन्ड पार्किङ सेन्सर र ब्लाइन्ड स्पट मोनिटरिङ सिस्टम उपलब्ध छ । यी सबैका कारण यसमा सुपेरियर एसयूभीको अनुभूति गर्न सकिन्छ ।

सामान्यतः उच्च सेगमेन्टका गाडीमा मात्र पाइने थ्री–जोन क्लाइमेट्रोनिक फिचर यसमा उपलब्ध छ । पछिल्लो सिटका लागि कन्ट्रोल प्यानल समेत यसैमा उपलब्ध छ ।

यो गाडी फोर बाई फोर अल ह्विल ड्राइभमा उपलब्ध छ भने चार ड्राइभिङ मोडमा चलाउन सकिन्छ । यसमा ट्रिनिटी १८ इन्चको ह्विल छ ।

इन्फोटेनमेन्ट र कनेक्टिभिटीका लागि यसमा २०.३२ सेमीको सेन्ट्रल इन्फोटेनमेन्ट सिस्टम छ । त्यसैगरी स्मार्टलिंक, भ्वाइस कमान्ड र अडियो कन्ट्रोल समेत छ । यी सबैलाई स्टेयरिङबाटै नियन्त्रण गर्न सकिन्छ ।

स्टोरेजका लागि स्कोडाले पहिलो पटक यसैमा पावर न्याप प्याकेज र रिमुभेवल बुट टर्च उपलब्ध गराएको छ । स्कोडाले सेगमेन्टमै सबैभन्दा ठूलो बुट स्पेस उपलब्ध गराएको छ, जसलाई २७० देखि २००५ लिटर सम्म क्षमताको बनाउन सकिन्छ । पछिल्लो सिट फोल्ड गर्दा आवश्यकता अनुसार धेरै स्पेस बनाउन सकिन्छ ।

गाडीमा इलेक्ट्रिकल्ली कन्ट्रोल गर्न सकिने पाँचौ ढोका समेत फिट गरिएको छ भने किलेस इन्ट्री, स्टार्ट र स्टप बटन समेत उपलब्ध छ । त्यसैगरी खुट्टाले सेन्सरको सहयोगले नै भर्चुअल रुपमा नै बुट खोल्न र बन्द गर्न सकिने सुविधा समेत यसमा उपलब्ध छ ।

हाल नेपाली बजारमा स्कोडा कोडियाक स्टाइल भेरिएन्टमा उपलब्ध छ । यसको मूल्य १ करोड ६५ लाख रुपैयाँ तोकिएको छ ।

सुविधाहरु
२.० टीडीआई इन्जिन रहेको छ, जसले १५० पीएस पावर र ३४० एनएम टर्क जेनेरेट गर्छ
९ एयरब्याग, प्यानोरामिक सनरुफ, फ्रन्ट तथा रियर हिटेड सिट र हिटेड स्टेयरिङ ह्विल
थ्री–जोन क्लाइमेट्रोनिक फिचर
पावर न्याप प्याकेज र रिमुभेवल बुट टर्च
खुट्टाले सेन्सरको सहयोगले नै भर्चुअल रुपमा नै बुट खोल्न र बन्द गर्न सकिने सुविधा
२७० देखि २००५ लिटर सम्म क्षमताको बुट स्पेस
स्मार्टलिंक, भ्वाइस कमान्ड र अडियो कन्ट्रोल
२०.३२ सेमीको सेन्ट्रल इन्फोटेनमेन्ट सिस्टम
फोर बाई फोर अल ह्विल ड्राइभ
ट्रिनिटी १८ इन्च ह्विल