नेपालमा फोटनको विश्वस्तरीय सोरुम

नेपालका लागि फोटन मोटरको आधिकारिक विक्रेता एमएडब्लु वृद्धि कमर्शियल भेहिकलले ललितपुरको बालकुमारीमा फोटनको विश्वस्तरीय सोरुमलाई आजदेखी औपचारिक रुपमा सञ्चालनमा ल्याएको छ । करिब २५ सय वर्ग फिटमा फैलिएको यो नयाँ ‘स्टेट–अफ–आर्ट’ सोरुमले नेपालमा फोटन ब्रान्डको ‘नयाँ अनि ठूलो सुरुआत’लाई संकेत गरेको कम्पनीले जनाएको छ । काठमाडौं उपत्यकाको मुटुमा खुलेको विश्वस्तरीय सोरुमले नेपालको अटोमोबाइल बजारमा फोटन बलियो आधारको स्थापना गर्न प्रतिबद्ध छ भन्ने देखाएको छ । नयाँ सोरुम नेपालमा फोटनको ‘बिग प्लान’ अन्तर्गत स्थापना गरिएको हो । फोटनको नयाँ सोरुमलाई फोटन मोटर नेपालको फेसबुक, इन्स्टाग्राम र युट्युब च्यानलमा ‘लाइभ’ गरी भच्र्युअल माध्यमबाट सार्वजनिक गरिएको हो । सोरुम उद्घाटन कार्यक्रमा बोल्दै एमएडब्लु ग्रुप अफ कम्पनिजका अध्यक्ष विष्णुकुमार अग्रवालले भने ‘आजको दिन हाम्रालागि निकै रोमाञ्चक छ । ग्राहक महानुभावहरु सदा हाम्रो पहिलो प्राथमिकतामा पर्नुहुन्छ । त्यसैले, उहाँहरुको आत्मविश्वास बढाउन र उहाँहरुलाई उत्कृष्ट सेवा प्रदान गर्न हामीले यो आधुनिक सोरुम स्थापना गरेका हौं ।’ उनका अनसुर अबको केही महिनाभित्रै २० हजार वर्ग फिटमा फैलिएको नयाँ स्टेट–अफ–आर्ट सर्भिस फेसिलिटी समेत निर्माण गरिदैछ । साथै इटहरी, नेपालगञ्ज र बुटवलमा पनि सर्भिस तथा स्पेयर्स सेन्टर खोलिने र ग्राहकलाई सर्वोत्कृष्ट सेवा दिनका लागि देशभर १२ वटा आधिकारिक सर्भिस सेन्टरको स्थापना गरिने उनले बताए । फोटनको नयाँ सोरुमले फोटनका कमर्शियल भेहिकलमा रुची भएकाहरुका लागि ‘शप विन्डो’को काम गर्ने बताउँदै कम्पनीका प्रबन्ध निर्देश कविवेक सिकारियाले भने ‘अब ग्राहकले फोटनका उत्पादन एउटै ठाउँमा हेर्नुका साथै बेस्ट सेल्स कन्सल्ट्यान्टहरुबाट कन्सल्टेसन पाउनेछन् । यसका अलावा ग्राहकले फोटन ब्रान्ड र नेपालमा उसको भावी योजनाबारे जानकारी पाउन सक्नेछन् । हामी हाम्रा ग्राहकलाई नयाँ सोरुमा स्वागत गर्न व्याग्र छौं ।’ फोटन चीनको अग्रणी कमर्शियल भेहिकल ब्रान्ड हो जसले सन् २०२० मा विश्वभर ६ लाख ८० हजार युनिट सवारीसाधन बिक्री गरेको थियो जुन अघिल्लो वर्षको तुलनामा २६ प्रतिशत बढी हो । फोटनका उत्पादन विश्वका २७ वटा एसेम्बली प्लान्टमा उत्पादन भई एक सय १० देशमा उपलब्ध छन् । हाल एमएडब्लु वृद्धिले नेपालमा फोटनका पिकअप र भ्यान विक्री वितरण गर्दै आएको छ ।