आठौ पर्वतीय खेलकुद महोत्सव स्थगित

काठमाडौं – विगत ८ वर्ष देखि चल्दै आएको माउन्टेन स्पोर्ट्स फेस्टिभलको आठौं संस्करण प्राविधिक कारणवस तत्कालको लागि स्थगित गरिएको छ ।

आगामी फागुन २० वाट शुरु भई चैत २० गते सम्म गण्डकी प्रदेशमा आयोजना गर्ने गरी सो फेस्टिभलको गत महिना पोखराबाट सार्वजनिक घोषणा गरिएको थियो ।

राष्ट्रिय खेलकुद परिषद र प्रदेश सरकार समेतको अनुकूल समयमा यथाशक्य छिट्टै यो खेल सञ्चालन गरिने पर्वतीय खेलकुद महासंघका अध्यक्ष गोविन्द भट्टराईले जानकारी दिए ।