२० वर्षमा ६० लाख युनिट टीभीएस अपाचे बिक्री

टीभीएसको सर्बाधिक सफल र लोकिप्रय मोटरसाइकल अपाचे उत्पादन हुन थालेको २० वर्ष पुरा भएको छ । अपाचेको २० औं वार्षिकोत्सव मनाउने तयारी थालेको टीभीएले हालसम्म ६० लाखभन्दा बढी युनिट बिक्री भएको बताएको छ । अपाचे सन् २००५ मा पहिलोपटक लन्च भएको थियो ।

सुरुमा १५० सीसी इन्जिनका साथ प्रस्तुत गरिएको अपाचे हाल १६० सीसी देखि ३१० सीसी सम्मका ५ वटा मोडलमा विस्तार भएको छ । हाल यसको आरटीआर १६०, आरटीआर १६० ४भी, आरटीआर १८० र आरटीआर २०० मोडलसहित ३१० सीसी लाइनअपमा आरटीआर ३१० र आरआर ३१० मोडल उपलब्ध छ ।

टीभीएसले अपाचेलाई युरोप, एसिया, ल्याटिन अमेरिका र अफ्रिकाका प्रमुख बजारहरूमा बिक्री गर्दै आएको छ । भारतसहित इटाली, बंगलादेश, नेपाल, कोलम्बिया, ग्वाटेमाला, मेक्सिको, होन्डुरस र गिनी लगायत देश टीभीएसका प्रमुख बजार हुन् ।

अपाचे नेपाली बजारमा समेत रुचाइएको स्पोर्ट्स बाइक हो । नेपालमा समेत यसको हजारौ सन्तुष्ट ग्राहक छन् । नेपालका लागि आधिकारिक वितरक जगदम्बा मोटर्सले केही वर्षयता स्वदेशमै एसेम्बल प्लान्ट स्थापना गरी टीभीएसका मोटरसाइकल उत्पादन गर्दै आएको छ ।