अल्ट्राभायोलेटको नयाँ स्कुटर २ हप्तामा ५० हजार बुकिङ, रेन्ज २६० किलोमिटर

अल्ट्राभायोलेट अटोमोटिभले आफ्नो टेसेरेक्ट इलेक्ट्रिक स्कूटरको लागि अत्यधिक अर्डर प्राप्त गरेको छ । ईभी निर्माताले बुकिङ खुलाएको २ हप्तामा सो नयाँ स्कूटरका लागि ५० हजार भन्दा बढी अर्डर पाएको हो ।

मार्च ५, २०२५ मा लन्च गरिएको अल्ट्राभायोलेट टेसेरेक्ट एक फ्यूचरिष्टिक इलेक्ट्रिक स्कूटर हो । २०.१ बिएचपी इलेक्ट्रिक मोटरद्वारा संचालित सो नयाँ स्कुटरले २.९ सेकेन्डमा ०–६० किमी/घण्टाको गतिमा स्प्रिन्ट गर्न सक्षम बनाउँछ । स्कुटरलाई ३.५ किलोवाट आवर, ५ किलोवाट आवर र ६ किलोवाट आवर क्षमताको ब्याट्री प्याकमा प्रस्ताव गरिउको छ । जसले २६० किमी सम्मको अधिकतम रेन्ज प्रदान गर्ने दाबी गरिएको छ ।

स्कुटरमा सेगमेन्ट–फस्र्ट फिचरका रुपमा डुअल रडार तथा अगाडी र पछाडी क्यामेर उपलब्ध गराइएको छ । जसले, ब्लाइन्ड स्पट डिटेकसन, कोलिजन अलर्ट र ओभरटेक अलर्टको लागि मद्धत गर्दछ ।

सेफ्टि फिचर अन्तर्गत यसमा ट्रयाक्सन कन्ट्रोल, डायनमिक स्ट्याविलिटी कन्ट्रोृल, हिल होल्ड, दुबै चक्कामा डिस्क ब्रेक र डुअल च्यानल एबिएस समावेश गरिएको छ ।

ई–स्कूटरमा भायोलेट एआई कनेक्टिभिटी र नेभिगेसनको साथ ठूलो टचस्क्रिन इन्स्ट्रुमेन्ट कन्सोल राखिएको छ । साथै यसमा क्रूज कन्ट्रोल र पार्क असिस्ट सुविधा पनि दिइएको छ । यसको मूल्य १ लाख २० हजार भारु निर्धारण गरिएको छ ।