फागुनसम्म ३४ लाख ६६ हजारले लिए सवारी चालक अनुमति पत्र

काठमाडौँ - चालू आर्थिक वर्ष ०८०/८१ काे फागुनसम्म ३४ लाखभन्दा बढी सवारी चालक अनुमति पत्र प्रिन्ट गरी वितरण गरिएको आर्थिक वर्ष ०८०/८१ को आर्थिक सर्वेक्षणले देखाएको छ ।

२०८० असार मसान्तरसम्म ३४ लाख १९ हजार ४१० सवारी चालक अनुमतिपत्र प्रिन्ट गरी वितरण भएकोमा फागुनसम्म ३४ लाख ६६ हजार ७ सय ७३ थान चालक अनुमितपत्र प्रिन्ट गरी वितरण गरिएको हाे ।

त्यसैगरि हाल ६ स्थानबाट सवारी साधनमा लगाइने इम्बोस्ड नम्बर प्लेट जडान हुँदै आएको छ । चालु आर्थिक वर्षको फागुनसम्म उत्पादित १ लाख १५ हजार ७ सय ८६ थान इम्बोस्ड नम्बर प्लेटमध्ये ९ हजार ९ सय ९१ थान वितरण भएको छ । त्याेसँगै हालसम्म ५ लाख ८० हजार ८ सय ८६ थान ईम्बोस्ड नम्बर उत्पादन भई ६६ हजार ७ सय १५ थान वितरण भएको छ ।