एक महिनाका लागि निसानको नयाँ वर्ष अफर : निसान किक्स किन्दा ३ लाख ९५ हजारको छुट

काठमाडौं – नेपाली बजारमा उपलब्ध निसान किक्स किन्दा ३ लाख ९५ हजार रुपैयाँ छुट पाइने भएको छ । नेपालका लागि निसानको आधिकारिक वितरक पायोनियर मोटोकर्पले अंग्रेजी नयाँ वर्ष २०२३ को अवसरमा सो अफर ल्याएको हो ।

निसान किक्सको मूल्य ४९ लाख ९९ हजार रुपैयाँबाट प्रारम्भ हुन्छ । किक्स एक्सएल पेट्रोलको मूल्य ४९ लाख ९९ हजार रुपैयाँ छ । एक्सभी पेट्रोलको मूल्य ५४ लाख ४९ हजार रुपैयाँ छ । यी दुवै १४९८ सीसीका हुन् ।

त्यसैगरी १३३० सीसीमा रहेका एक्सभी प्रिमियम टर्बोको मूल्य ६४ लाख ९९ हजार, एक्सभी प्रिमियम (ओ) मोनो टर्बोको मूल्य ६९ लाख ९९ हजार र एक्सभी प्रिमियम सीभीटी टर्बोको मूल्य ७२ लाख ९९ हजार रुपैयाँ सम्म छ ।

भेरिएन्ट अनुसार आकर्षक नगद छुट कम्पनीले उपलब्ध गराउने बताएको छ । यसमा एक वर्षको इन्स्योरेन्स र रोड ट्याक्स समेत छुट हुनेछ ।

निसान किक्स किन्दा ३ वर्ष सम्म निःशुल्क सर्भिसिङ गर्न सकिने छ भने ३ वर्षको वारेन्टी उपलब्ध हुनेछ ।

यसरी समग्रमा ३ लाख ९५ हजार रुपैयाँ सम्मको छुट उपलब्ध हुने कम्पनीको भनाइ छ ।

यो अफर आगामी जनवरी ३१ सम्म मात्र लागू हुने बताइएको छ ।