अशोक लेल्यान्डका २५ टिपर एकै पटक ग्राहकलाई हस्तान्तरण

काठमाडौं – नेपालका लागि अशोक लेल्यान्डको आधिकारिक वितरक आईएमई मोटर्सले एकै पटक २५ टिपर ग्राहकलाई हस्तान्तरण गरेको छ । आईएमई मोटर्सको वीरगन्ज वितरण केन्द्रबाट एकै पटक ग्राहकलाई ती टिपर हस्तान्तरण गरिएको हो ।

यु २५१८ मोडलको सो १० चक्के टिपर विशेष गरी सडक निर्माण कार्यमा प्रयोग गर्न सकिन्छ । ९–स्पिड गियरबक्स, बुगी सस्पेन्सन, आरामदायी यु क्याबिन र इनलाइन फ्युल पम्प लगायतका विभिन्न विशेषता भएको सो टिपर नेपालमा धेरै प्रयोगमा आएको पाइन्छ ।

विगत केही वर्ष यता निर्माण कार्य सुस्ताएको र सो अवस्थामा निर्माण क्षेत्रमा प्रयोग हुने सवारी साधनको समेत बिक्री कम भइरहेको समयमा यसरी एकै पटक धेरै संख्यामा टिपर हस्तान्तरण गर्न पाउँदा खुसी लागेको कम्पनीको भनाइ छ ।

नेपाली बजारमा अशोक लेल्यान्डका लाइट कमर्सियल भेइकलदखि लिएर ट्रक र टिपर जस्ता हेभी कमर्सियल भेइकलसम्म उपलब्ध छन् । लाइट कमर्सियल भेइकलमा दोस्त पिकअप प्रचलित छ । विभिन्न कार्यका लागि उपयोग गर्न सकिने यसका फरक फरक मोडल उपलब्ध छन् । सामान ओसार्नका लागि यसको प्रयोग हुन्छ । त्यसैगरी कम्पनीबाटै जडान भएको अर्थात इबिल्ड कन्टेनर भएको सवारी साधन समेत उपलब्ध छ । रेफ्रिजेरेसन सुविधा सहितको गाडीमा अशोक लेल्यान्ड पायोनियर नै हो । गार्बेज ट्रक समेत उपलब्ध गराएको छ । पानी बोक्ने ट्यांकर, एम्बुलेन्स यस्ता धेरै भेराइटी लाइट कमर्सियल भेइकलमा उपलब्ध छन् ।

त्यसैगरी ट्रक, टिपर आदि इन्टरमिडियट कमर्सियल भेइकल छन् । यो बाहेक ठूला ट्रक र टिपर समेत छन् । नेपाली बजारमा उपलब्ध २५१८ मोडलको दस चक्के टिपर निकै नै लोकप्रिय सवारी साधन हो । यो भन्दा ठूला १२ चक्के, १ ४ चक्के ट्रक पनि नेपाली बजारमा उपलब्ध छन् ।

बसको पनि फुल रेन्ज उपलब्ध छ । भाइकिङ २२२ बस नेपाली बजारमा उपलब्ध सबैभन्दा राम्रो बस हो । यो निकै नै लोकप्रिय र आरामदायी तथा बढी माइलेजयुक्त छ । पर्यटकीय क्षेत्रमा यसको धेरै प्रयोग हुन्छ ।

अशोक लेल्यान्डका सवारी साधन भरपर्दा छन् । यी गाडी बलिया छन् र नेपाल जस्तै पहाडी भुभागका लागि एकदमै उपयोगी छन् । नेपाली सडकमा यी गाडीको पर्फमेन्स निकै नै राम्रो छ ।