बीवाईडी सिल ईभी अब अटोमेटिक पार्किङ फिचरमा

२०२५ बीवाईडी सिल इलेक्ट्रिक सेडान लन्च गरिएको छ । यसमा पहिलेको भन्दा राम्रो सेफ्टी फिचर छ । साथै यसको लुकलाई पनि पहिलेभन्दा धेरै आकर्षक बनाइएको छ ।

नयाँ २०२५ बीवाईडी सिल इलेक्ट्रिक सेडान लाइडर सेन्सर मोड्युलसँग जडान गरिएको छ । यसको प्रयोगले एडास फङ्सन कार्य बढाउँछ । यसको अटोमेटिक ड्राइभिङ क्षमतामा थप सुधार गरिएको छ । यसलाई अब एल२ प्लस लेवलको डीपाइलट ३०० सिस्टममा ल्याइएको छ । यसमा अटोपाइलट र अटोमेटेड भ्यालेट पार्किङमा हाई स्पिड र सिटी नेभिगेसन जस्ता फिचर समावेश गरिएको छ ।

नयाँ २०२५ बीवाईडी सिल इलेक्ट्रिक सेडान ई-प्लेटफर्म ३.० इभोमा आधारित छ । यसले १२ इन १ इलेक्ट्रिक ड्राइभ सिस्टमको प्रयोग गर्छ । यसमा फास्ट चार्जिङ सिस्टम, हाई एफिसियन्सी भएको थर्मल म्यानेजमेन्ट मोड्युल, अत्याधुनिक सीटीबी भेइकल जस्ता सेफ्टी फिचर दिइएको छ ।

२०२५ बीवाईडी सिलमा ४ स्पोक फ्ल्याट-बटम स्टेयरिङ ह्विल र रोटेशन फङ्सनको साथमा ठुलो सेन्ट्रल माउन्टेड फ्लोटिङ टचस्क्रिन दिइएको छ । साथै सबै भेरिएन्टमा मिनिमलिस्ट सेन्टर कन्सोल, वायरलेस चार्जिङ प्याडसहित डब्ल्यु एचयूडी हेड अप डिस्प्ले र १३ एयरब्याग दिइएको छ ।

नयाँ २०२५ बीवाईडी सिल २ वटा ब्याट्री प्याक विकल्पमा लन्च गरिएको छ । यसको ६१.४४ किलोवाट ब्याट्री प्याकले ५१० किलोमिटर र ८०.६४ किलोवाट ब्याट्री प्याकले ६५० किलोमिटर रेन्ज प्रदान गर्छ । सो इलेक्ट्रिक सेडानले मात्र ३.८ सेकेन्डमा ० देखि १०० किलोमिटर प्रति घण्टाको गति लिन सक्छ। यसको टप स्पिड २४० किलोमिटर प्रति घण्टा छ । यसको ब्याट्री १० प्रतिशत देखि ८० प्रतिशत सम्म चार्ज गर्न २५ मिनेट लाग्छ ।

नेपाली बजारमा पनि भविष्यमा नयाँ मोडलको सिल आउने अनुमान गर्न सकिन्छ ।