यी ५ विशेषताले सुसज्जित छ २०२४ बजाज पल्सर एनएस४००जेड

बजाज अटोले हालै पल्सर एनएस४००जेड लन्च गरिसकेको छ। यो कम्पनीको पल्सर लाइनअपमा रहेको फ्ल्यागशिप मोटरसाइकल हो । यसको डेलिभरी यसै महिनाको अन्त्यबाट सुरु हुने बताइएको छ ।

पल्सर एनएस४००जेडको डिजाइन अन्य पल्सर जस्तै छ। पल्सर बाइक निकै लोकप्रिय भएकोले बजाजले यसको सिल्हुटलाई कायम राखेको छ । बाइकको फ्रन्टमा नयाँ हेडल्याम्प जडान गरिएको छ । यसमा लो स्लङ्ग हेडल्याम्प, ट्याङ्की कफनसहितको मस्कुलर फ्युल ट्याङ्की र हाल उपलब्ध पल्सरमा पाइने टेलल्याम्प डिजाइन भएको स्लिम रियर सेक्सन समावेश गरिएको छ ।

पल्सर एनएस४००जेडमा ३७३ सीसी इन्जिन जडान गरिएको छ, जसले ८८०० आरपीएममा ३९.५ बीएचपी पावर र ६५०० आरपीएममा ३५ एनएम टर्क जेनेरेट गर्छ। यसमा ६ स्पिड गियरबक्स जोडिएको छ ।

पल्सर एनएस४००जेडमा एलसीडी इन्स्ट्रयुमेन्ट क्लस्टर, ब्लुटुथ कनेक्टिभिटी, एलईडी लाइटिङ र ड्युअल च्यानल एबीएस पनि समावेश गरिएको छ । साथै ट्रयाक्सन कन्ट्रोल, राइड-बाई-वायर, एबीएस मोड र राइडिङ मोड पनि उपलब्ध छ।

एनएस४००जेडको फ्रन्ट ४३ एमएम अपसाइड डाउन फोर्क र पछाडि मोनोशक दिइएको छ। दुबै पाङग्रामा डिस्क ब्रेक दिइएको छ । यसको मूल्य १ लाख ८५ हजार भारु तोकिएको छ । यसले केटीएम ड्युक ३९० सँग प्रतिस्पर्धा गर्नेछ।