१ हजार बढी दोस्त बिक्री भएको अवसर पारेर सर्भिस क्याम्प सञ्चालन गर्दै आइएमई मोटर्स

काठमाडौं – नेपालमा १ हजार भन्दा बढी दोस्त पिकअप बिक्री भएको उपलक्ष्यमा आयातकर्ता कम्पनी आइएमई मोटर्सले देशभर सर्भिस क्याम्प आयोजना गर्ने भएको छ ।

उक्त अवसर पारेर कम्पनीले आगामी भदौ २० देखि २५ गतेसम्म ‘चोकचोकमा दोस्त’ स्लोगन सहित सर्भिस क्याम्प अयोजना गर्ने बताएको हो । उक्त क्याम्प अशोक लेल्यान्डको देशभर सञ्चालिन सर्भिस सेन्टरमा अयोजना गरिनेछ ।

क्याम्पमा आउने ग्राहकलाई स्पेयर पार्ट्समा ८ प्रतिशत छुटको अतिरिक्त केही विशेष पार्ट्समा ५० प्रतिशतसम्म छुट प्रदान गरिने बताइएको छ । त्यसैगरी लुब्रिकेन्ट्समा १५ प्रतिशत र लेबर चार्जमा ३० प्रतिशत छुट प्रदान गरिनेछ । ग्राहकले आफूसँग भएको दोस्त गाडीको ४५ वटासम्म प्वाइन्ट निःशुल्क चेक गराउन सक्नेछन् ।

नेपाली बजारमा अशोक लेल्यान्डका दोस्त एफएसडी, दोस्त स्ट्रोङ एफएसडी, दोस्त एचएसडी, दोस्त कन्टेनर र दोस्त रेफ्रिजेरेटर लगायतका विभिन्न मोडलका पिकअप बिक्रीका लागि उपलब्ध छन् ।