कारमा हुने १० फिचर : जुन नभए पनि केही फरक पर्दैन

साधारणतया कार खरिद गर्दा धेरै भन्दा धेरै फिचर भएको कारको छनौट गरिन्छ । तर सीमित बजेटमा यी सम्पूर्ण फिचर उपलब्ध हुँदैन । कारमा यस्ता केही फिचरहरु पनि छन जसलाई सामान्यतया बेवास्ता गर्न पनि सकिन्छ । यसको अर्थ कतिपय फिचर सवारी प्रयोगकर्ताका लागि आवश्यक नहुन पनि सक्छन् । लक्जरी र अन्य विभिन्न सुविधाका लागि यी उपयोगी भए पनि नभए पनि काम चल्छ ।

१. किलेस पुश–बटन स्टार्ट/स्टप
किलेस भएको कार उपयुक्त हुन्छ । यसमा कार खोल्न र स्टार्ट गर्न साँचोको आवश्यकता पर्दैन । यद्यपि यो कारमा हुने सामान्य फिचर हो जसलाई बेवास्ता गर्न सकिन्छ ।

२. अटोमेटिक हेडलाइट
अटोमेटिक हेडलाइट एक प्रकारको रिफ्लेक्स हो, जसको प्रयोग विशेषगरी राजमार्गमा ड्राइभिङ गर्दा गरिन्छ । तर यसको प्रयोग नगण्य रुपमा गरिन्छ । त्यसैले यसलाई पनि बेवास्ता गर्न सकिन्छ ।

३. सनरुफ
सनरुफको काम क्याबिनको हावालाई पुनः प्रयोग गर्नु हो । यसको प्रयोग राजमार्गमा हुँदा र बाहिरको मौसम राम्रो हुँदा मात्र गर्न सकिन्छ । त्यसैले यो सुविधालाई बेवास्ता गर्न सकिन्छ ।

४. बेज इन्टेरियर
बेज कारको क्याबिनको लागि अल्टिमेट क्लास हो । यसको मर्मतसम्भार पनि अत्यधिक उच्च हुन्छ । धेरै धुलो र प्रदुषण भएको देशमा बेज रङ एकदमै फोहोर हुन्छ । तसर्थ, यसलाई पनि बेवास्ता गर्न सकिन्छ ।

५. क्यापेसिटिभ कन्ट्रोल
पुरानो बटन थिच्ने सुविधा भन्दा टचस्क्रिन धेरै आधुनिक छ । यद्यपि, यदि ड्राइभिङ गर्दा एकाग्रतामा बाधा पुग्छ भने टचस्क्रिन त्यति राम्रो फिचर होइन ।

६. प्राक्सिमिटी सेन्सर
यो फिचरले कारलाई हुने क्षतिबाट जोगाउँछ भन्ने अनुमान गरिन्छ । जुन सम्भावित रूपमा धेरै महँगो छ । यद्यपि, भीडभाड भएको सहर वा साँघुरो सडक भएको सहरमा प्रोक्सिमिटी सेन्सरले खासै राम्रो काम गर्दैछ ।

७. एम्बियन्ट लाइटिङ
एम्बियन्ट लाइटले प्रिमियम अनुभव दिन सक्छ र लामो ड्राइभमा चालकको मुडलाई पनि फ्रेस बनाउछ । कारमा यसको आवश्यकता नहुने भएको हुनाले बजेट भन्दा बाहिर छ भने यो दैनिक जीवनमा प्रयोग हुँदैन ।

८. फक्स रूफ रेल
रूफ रेलको मूल उद्देश्य कारको बुटमा नमिल्ने सामान समायोजन गर्न मद्दत गर्नु हो । यद्यपि, आजकल यो कारको डिजाइनमा अतिरिक्त सुविधाको रूपमा थपिएको छ, जसले कार अग्लो र ठूलो देखिन्छ । त्यसैले यो सुविधा बेवास्ता गर्न सकिन्छ ।

९. भ्वाइस कमाण्ड
भ्वाइस कमाण्डले कार ड्राइभ गर्दा निकै सजिलो बनाएको छ र ड्राइभिङ गर्दा सडकमा पूर्ण रूपमा ध्यान केन्द्रित गराउँछ । यद्यपि यो सुविधाको लागि सही उच्चारणको आवश्यकता पर्छ, तर सबैले सही उच्चारण गर्न सक्षम हुँदैनन् ।

१०. अटोमेटिक वाइपर
यो सुविधा अटोमेटिक हेडल्याम्प जस्तै छ । यो फिचर कारमा नहुँदा केही फरक पर्दैन ।