ओला इलेक्ट्रिकले १० महिनामै उत्पादन ग-यो १ लाख इलेक्ट्रिक स्कुटर

ओला इलेक्ट्रिकले डिसेम्बर २०२१ देखि आफ्नो इलेक्ट्रिक स्कुटरको उत्पादन सुरु गरेको थियो । कम्पनीले १० महिनामा १ लाख उत्पादनको आँकडा पार गरेको छ । सन् २०२२ को अक्टोबर महिनामा नै कम्पनीले २० हजार युनिट इलेक्ट्रिक स्कुटर बिक्री गरेको छ । जुन अघिल्लो महिनाको तुलनामा ६० प्रतिशत बढी हो ।

ओला इलेक्ट्रिकले आफ्नो सबैभन्दा सस्तो इलेक्ट्रिक एस१ एयर ७९ हजार ९९९ भारुमा लन्च गरेको छ । नयाँ स्कुटर ओला एस१ एयरको बिक्री फेब्रुअरी २०२३ बाट सुरु हुनेछ र यसको डेलिभरी अप्रिल २०२३ बाट सुरु हुनेछ । सो इलेक्ट्रिक स्कुटर मात्र ९९९ भारुमा बुक गर्न सकिन्छ । यसमा २.५ केडब्ल्युएच लिथियम आयोन ब्याट्री जडान गरिएको छ । सो स्कुटरको रेन्ज १०१ किमी प्रति चार्ज भएको कम्पनीले दावी गरेको छ ।

सो स्कुटरमा टर्बोसँगै कम्पनीले ७५० वाटको पोर्टेबल चार्जर उपलब्ध गराउनेछ । यसको मद्दतले ६ घण्टामा ब्याट्री फुल चार्ज गर्न सकिनेछ । ओलाको हाइपर चार्जर स्टेशनले १८ मिनेटमा ५० प्रतिशत ब्याट्री चार्ज गर्न सकिनेछ ।

ओलाले यस स्कुटरमा ७ इन्चको टचस्क्रिन डिस्प्ले दिएको छ, जुन मुभ अपरेटिङ सिस्टमसँग आउँछ । यसमा अक्टा–कोर प्रोसेसर र ३ जीबी ¥याम भएको चिपसेट छ । यसले ४जी, वाइफाइ र ब्लुटुथलाई सपोर्ट गर्छ ।

नेपाली बजारमा समेत ओलाका दुई मोडलका स्कुटर केही समय अघि भित्रिएका छन् ।