नयाँ फिचर सहित सार्वजनिक भयो नयाँ यामाहा एमटी–१२५ बाइक

यामाहाले एमटी–१२५ को बीएस६ मोडल सार्वजनिक गरेको छ । सो बाइक नयाँ वर्षमा लन्च गरिने छ । नयाँ एमटी १२५ मा पहिलाको भन्दा अधिक फिचर समावेश गरिएको छ । सो बाइकको पेन्ट एमटी ०९ र एमटी ०७ बाट लिइएको छ ।

बाइकमा ११ लिटरको फ्युल ट्यांक समावेश गरिएको छ । यो भन्दा पहिले यसमा १० लिटरको फ्युल ट्यांक थियो । एमटी १२५ को इन्जिन युरो५ उत्सर्जन मानक अनुसार अपडेट गरिएको छ । सो बाइकमा १२४ सीसीको सिंगल सिलिन्डर समावेश गरिएको छ ।

बाइकको अगाडि अपसाइड डाउन टेलिस्कोपिक फोर्क र पछाडि मोनोशक सस्पेन्सन सेटअप छ । बाइकमा दुबै तर्फ डिस्क ब्रेक समावेश गरिएको छ ।

सो बाइक अन्तर्राष्टिय बजारमा लन्च गर्ने योजना छ । नेपालमा आउने वा नआउने वारेमा भने अहिले नै केही भन्न सकिदैन ।