आयो सडक र रेल दुबैमा चल्ने विश्वको पहिलो ड्युअल मोड भेइकल अर्थात डीएमभी

जापानले सार्वजनिक प्रयोगका लागि विश्वको पहिलो ड्युअल मोड गाडी अर्थात डीएमभीबाट सेवा सुरु गरेको छ । डीएमभी एउटा मिनीबस जस्तो देखिन्छ र रबर टायर प्रयोग गरेर सडकमा चलाउन सकिन्छ । सो गाडीमा स्टिलका पाङ्ग्रा पनि जडान गरिएको छ जुन इन्टरचेन्ज स्टेशनहरूमा ड्राइभ गर्न सकिन्छ ।

के छ विशेषता ?
मिडिया रिपोर्टका अनुसार विश्वको पहिलो डीएमभी जापानी शहर कायोमा ठूलो मात्रामा सर्वसाधारणका लागि लन्च गरिएको छ । यद्यपि सडकमा यो असाधारण नदेखिन सक्छ । तर इन्टरचेन्ज स्टेशनमा स्टिलका पाङग्राले अगाडिको रबरको टायरलाई जमिनबाट उठाउँछ, जबकि पछाडिको रबरको टायरले डीएमभीलाई रेल ट्रयाकमा धकेल्छ ।

स्पिड
आसा कोस्ट रेलवेका अनुसार कायोमा प्रस्तुत गरिएको डीएमभी सडकमा १०० किमी प्रतिघन्टाको गतिमा दौडन्छ र ट्रयाकमा अधिकतम ६० किमी प्रतिघन्टाको गतिमा दौड्न सक्छ । यसमा एक पटकमा २१ जना याुत्र बोक्ने क्षमता छ । पावरका लागि यसमा डिजेल इन्जिन दिइएको छ । यो विभिन्न रङमा उपलब्ध रहेको छ ।

डीएमभीको फाइदा
आसा कोस्ट रेलवेले जापानको दुर्गम भागहरूमा मानिसहरूलाई गतिशीलता पहुँच प्रदान गर्न मद्दत गर्न डीएमभीले अहम भुमिका हुने अपेक्षा गरेको छ । सीईओ शिगेकी मिउराका अनुसार डीएमभी स्थानीय मानिसहरूसम्म पुग्न र उनीहरूलाई रेलवेमा पनि लैजान सहज हुनेछ ।

वृद्ध व्यक्तिहरूको विशेष हेरचाह
ग्रामीण क्षेत्रका मानिसहरूका लागि यसको विशेष महत्व रहेको र विशेषगरी वृद्धवृद्धाहरूलाई मद्दत गर्ने मिउराको विश्वास छ । डीएमभी सेवाले यात्रुहरूलाई आंशिक रूपमा दक्षिणी जापानको शिकोकु टापुको तटमा प्राकृतिक दृश्य प्रदान गर्नेछ । यो पर्यटकको आम्दानीको स्रोत पनि बन्न सक्छ ।