आईक्युब भन्दा सस्तो मोडल ल्याउँदै टीभीएस, यस वर्ष दुई नयाँ इलेक्ट्रिक स्कुटर लन्च गर्ने

टीभीएस मोटर कम्पनी नयाँ इलेक्ट्रिक स्कुटर लन्च गर्ने तयारीमा रहेको छ । कम्पनी पछिल्ला चार महिनादेखि भारतीय इलेक्ट्रिक सवारी बजारमा अग्रस्थानमा रहँदै आएको छ, जहाँ उसले बजाज अटो, ओला इलेक्ट्रिक, एथर इनर्जी र हिरो भिडा जस्ता प्रतिस्पर्धीलाई पछि पारेको छ।

टीभीएसले आगामी अक्टोबरदेखि डिसेम्बरसम्मको त्रैमासिक अवधिमा दुई नयाँ इलेक्ट्रिक स्कुटर लन्च गर्ने तयारी गरिरहेको छ। तीमध्ये एक स्कुटर र अर्को तीन पाङ्ग्रे सवारी हुने अपेक्षा गरिएको छ।

कम्पनीले नयाँ स्कुटरको बारेमा औपचारिक रूपमा केही जानकारी दिएको छैन । यद्यपि रिपोर्टका अनुसार नयाँ स्कुटर इन्ट्री लेभलको इलेक्ट्रिक स्कुटर हुने सम्भावना छ, जसको नाम टीभीएस अर्बिटर वा टीभीएस इन्दस हुन सक्ने अनुमान गरिएको छ।

सो नयाँ स्कुटर टीभीएसको विद्यमान आईक्युब मोडलभन्दा सस्तो हुनेछ । रिपोर्टका अनुसार यसमा बोश हब माउन्ट गरिएको मोटर प्रयोग गरिनेछ, तर मोटरको क्षमता आईक्युब भन्दा कम हुने अपेक्षा गरिएको छ। साथै, यसको ब्याट्री क्षमता २.२ किलोवाट भन्दा कम हुने सम्भावना छ। फिचरका लागि यसमा सीमित स्मार्ट कनेक्टिभिटी र सामान्य एलसीडी डिस्प्ले हुन सक्ने अनुमान गरिएको छ ।

टीभीएसको नयाँ स्कुटरको मूल्य लगभग १ लाख भारु वा त्यसभन्दा थोरै कम हुने अपेक्षा गरिएको छ । लन्चिङ पछि यसले ओला एस१एक्स र बजाज चेतकसँग प्रतिस्पर्धा गर्ने सम्भावना छ ।