टीभीएस एक्सचेन्ज मेला सुरु, पुरानो मोटरसाइकलमा ५० हजारसम्म अतिरिक्त मूल्यांकन

काठमाडौं– टीभीएस मोटर्सको नेपालका लागि आधिकारिक विक्रेता जगदम्बा मोटर्सले काठमाडौंको भृकुटीमण्डपमा एक्सचेनज मेला आयोजना गरेको छ । आजदेखी सुरु भएको सो मेला २५ गतेसम्म सञ्चालन हुने कम्पनीले जनाएको छ । मेलास्थलबाटै अपाचे आरटिआर १६० फोरभी एफआई मोटरसाइकल लन्च गर्र्नेे कम्पनीले तयारी गरेको छ ।

महाएक्स्चेन्ज महोत्सव उमंगै उमंगको महोत्सवमा उपभोक्ताले कुनैपनि ब्राण्डको पुरानो बाईक वा स्कुटरको एक्स्चेन्ज गर्दा विभिन्न सुविधा तथा अफरहरु हात पार्न सक्नेछन् । उपभोक्ताले मेलामार्फत आफ्ना पुराना बाईक वा स्कुटरको एक्स्चेन्ज गर्दा रु. ५० हजार सम्मको एक्स्चेन्ज भ्यालु एडिशन, नकिन्दा १ लाख र किन्दा ५ लाख सम्मको क्याश डिस्काउन्ट र साथै बम्पर उपहारमा रु. १० लाख नगद जित्ने अवसर समेत प्राप्त गर्नेछन् ।

साथै २५ प्रतिशत सम्मको न्यून डाउन पेमेन्ट, हेल्मेट, बाईक कभर र ब्याग लगायत निशुल्क एक्सेसरिजको सुविधापनि महोत्सवमा उपलब्ध हुने कम्पनीले जानकारी दिएको छ । कम्पनीका अनुसार यी लगायत सम्पुर्ण सुविधाका साथै शुन्य प्रतिशत ब्याजदरमा नयाँ बाईक खरिद गर्ने अफर पनि महोत्सवमा उपलब्ध हुनेछ ।