जलाइएको कार्यालयबाट ट्राफिकले सुरु ग-यो काम

काठमाडौं–नेपाली सेनाले शुक्रबार (भदौ २७) बिहान ६ देखि ११ बजेसम्म निषेधाज्ञा र कर्फ्यु फुकुवा गरेसँगै सडकमा चहलपहल बढेको छ । सार्वजनिक सवारीसाधन बन्द गरिएको छ । सडकमा अत्यावश्यक सवारीसाधन मात्र चलाइएको छ ।

मुख्य सडकमा छिटपुट ट्राफिक प्रहरी खटिन थालेका छन् । नेपाल प्रहरीले पनि आफ्नो डिउटी थालेको जनाएको छ । काठमाडौं उपत्यका ट्राफिक प्रहरी कार्यालयका एसपी दीपक गिरीले जलाइएको कार्यालयबाटै सेवा सुरु गरिएको जानकारी दिए ।

“ट्राफिक कार्यालय सञ्चालन गरेका छौँ । सरसफाइको काम भइरहेको छ । ट्राफिकका ड्रेसहरू जलेका छन् । तयार गर्दै छौँ । मुख्यमुख्य सडकमा डिउटी पनि राख्दै छौँ,” उनले भने ।