के हो कारमा हुने ट्रयाक्सन कन्ट्रोल सिस्टम ?

कार खरिद गर्ने सोचमा हुनुहुन्छ भने कारमा पाइने सेफ्टी फिचरको बारेमा विशेष जानकारी राख्नुपर्छ । कारमा कुन फिचर अनिवार्य छ भन्ने थाहा पाउनु धेरै महत्वपूर्ण छ । कारमा हुने ट्रयाक्सन कन्ट्रोल सिस्टम फिचरले विश्वमा लाखौंको ज्यान बचाइएको छ ।

ट्रयाक्सन कन्ट्रोल एक सेफ्टी फिचर हो । यसले कारलाई एउटै गतिमा नियन्त्रण गर्न सक्छ । आजको समयमा धेरैजसो सवारी साधनमा ट्रयाक्सन कन्ट्रोल सिस्टम पाइन्छ । यसको मुख्य काम सडकमा कार चलाउँदा चिप्लिनबाट रोक्नु हो ।

कहिलेकाहीँ कारको अगाडिको चक्का चिप्लिदा पछाडिबाट नियन्त्रण गर्न निकै गाह्रो हुन्छ । यस्तो अवस्थामा अगाडिबाट कार चिप्लिए पनि ट्रयाक्सन कन्ट्रोल फिचरको कारणले कारलाई नियन्त्रणमा लिन सकिन्छ ।

ट्रयाक्सन कन्ट्रोल सिस्टमको सेन्सरले कार दुर्घटना हुन सक्ने सम्भावनाको जानकारी चालकलाई दिन्छ । सडकमा कुनै पनि प्रकारको चिप्लो महसुस भएमा कारको ड्यासबोर्डमा रहेको वार्निङ लाइटमा ध्यान दिनुपर्छ । यदि यो सक्रिय छ भने सावधानीपूर्वक ड्राइभ गर्नपर्छ ।

यसको फाइदासँगै बेफाइदा पनि छ । लामो समयसम्म यसलाई बेवास्ता गरेमा इन्जिनको पावर बिस्तारै कम हुन्छ । यसका कारण कारको इन्जिन पनि सिज हुन सक्छ ।

चिप्लो सडकमा ट्रयाक्सन कन्ट्रोल सक्रिय हुनु सामान्य हो । तर सामान्य अवस्थामा पनि यो सक्रिय भएमा कारको टायर परिवर्तन गर्नुपर्छ । ड्राइभिङ गर्दा यसलाई नियन्त्रणमा राख्नुपर्छ । यदि यो नियन्त्रण बाहिर गएमा दुर्घटना हुने सम्भावना बढी हुन्छ ।