टोयोटाको सर्बाधिक लोकप्रिय एमपिभी अर्को वर्षदेखी उपलब्ध नहुने

टोयोटाले अर्को वर्ष इनोभा क्रिस्टा बन्द गर्ने तयारी गरेको छ । टोयोटाको प्रोडक्ट पोर्टफोलियोमा निकै नै लोकप्रिय मानिने उक्त एमपिभी मार्च २०२७ देखी बन्द हुने एक रिपोर्टमा उल्लेख गरिएको छ ।

टोयोटाले सुरुमा २०२५ मै इनोभा क्रिस्टालाई बन्द गर्ने योजना बनाएको थियो, तर इनोभा हाइक्रस सार्बजनिक भएपछि पनि यसको उत्पादनलाई निरन्तरता दिइँदै आएको थियो । कडा उत्सर्जन मापदण्ड लागु भएपछि क्रिस्टा जस्तो हेभी ल्याडर–फ्रेम डिजेल एमपिभीलाई बन्द गर्नुपरेको हो ।

कडा मापदण्डहरू पूरा गर्न टोयोटाले आफ्नो हाइब्रिड मोडेलहरूलाई अगाडि बढाउँने निर्णय लिएको छ, जसले नयाँ नियमहरू अन्तर्गत ‘सुपर क्रेडिट’ मार्फत लाभ उठाउने अपेक्षा गरिएको छ ।

इनोभा वर्षौंदेखि सेगमेन्ट लिडर रहँदै आएको छ । यो एमपिभी व्यक्तिगत प्रयोजनका साथै फ्लीट अपरेसनमा समेत सबैभन्दा लोकप्रिय मानिन्छ । २.४ लिटर डिजेल इन्जिनमा उपलब्ध क्रिस्टाको अधिकतम पावर १४८ बिएचपी छ भने टर्क ३४३ एनएम छ ।