विश्वमा बिक्री भएका टप १० ईभी मध्ये ५ बीवाईडी र २ टेस्लाका इलेक्ट्रिक कार

मार्केट रिसर्च एजेन्सी काउन्टरप्वाइन्ट रिसर्चले सार्वजनिक गरेको पछिल्लो रिपोर्ट अनुसार सन् २०२३ को पहिलो त्रैमासिकमा विश्वमा धेरै बिक्री भएका १० इलेक्ट्रिक कार मध्ये २ टेस्ला र ५ बीवाईडीका विभिन्न मोडल छन् ।

यो अवधिमा सबैभन्दा धेरै बिक्री हुने कार टेस्ला मोडल वाई छ । त्यसपछि दोस्रो नम्बरमा टेस्ला मोडल ३ र तेस्रो नम्बरमा बीवाईडी सोङ छ ।

चौथो नम्बरमा बीवाईडी युआन प्लस छ । नेपाली बजारमा चाहिं युआन प्लस एट्टो ३ ब्रान्ड नेममा उपलब्ध छ । पाँचौ नम्बरमा बीवाईडी क्विन र छैटौं नम्बरमा वुलिङ होङगुवाङ मिनी ईभी छ ।

सातौ नम्बरमा बीवाईडी डल्फिन, आठौ नम्बरमा एइओन एस र नवौं नम्बरमा बीवाईडी हान छ । दशौं नम्बरमा चांगान लुमिन ईभी छ ।

प्रथम त्रैमासिक अवधिमा विश्वमा गत वर्षको यही अवधिको तुलनामा ३२ प्रतिशत बढी इलेक्ट्रिक प्यासेन्जर भेइकल बिक्री भएका छन् । त्यसैगरी बिक्री भएका प्रत्येक
७ कार मध्ये एउटा इलेक्ट्रिक कार हुने गरेको छ ।

त्यसैगरी सो रिपोर्ट अनुसार बिक्री भएका ईभी मध्ये ७३ प्रतिशत ब्याट्री इलेक्ट्रिक भेइकल छन् भने बाँकी २७ प्रतिशत प्लग–इन हाइब्रिड भेइकल छन् ।

त्यसैगरी विश्वभर बिक्री भएका इलेक्ट्रिक गाडीको बजारमा चाइनिज बजारले ५६ प्रतिशत योगदान गरेको छ ।