टिपरको ठक्करबाट स्कुटर चालकको मृत्यु भएपछि बनेपा क्षेत्र तनावग्रस्त, राजमार्ग अवरुद्ध

काभ्रे–टिपरको ठक्करबाट स्कुटर चालकको मृत्यु भएपछि बनेपा क्षेत्र तनावग्रस्त भएको छ । बुधबार बिहान टिपरको ठक्करबाट स्कुटर चालकको मृत्यु भएको हो ।

चालकको मृत्यु भएपछि आक्रोशित भीडले टिपरमा आगजनी गरेका छन् । घटनापछि अरनिको राजमार्ग बन्द भएको छ । सूर्यबिनायक–बनेपा सडक खण्डको बाटो निर्माणमा प्रयोग गरिएको टिपरले स्कुटरलाई ठक्कर दिएको हो ।

दुर्घटनापछि स्थानीयले बागमती प्रदेश–०१–००४ क ३४२३ नम्बरको टिपरमा आगजनी गरेका छन् । सो टिपरले बागमती प्रदेश–०२९–०६३ प १९८९ नम्बरको स्कुटरलाई ठक्कर दिएको हो ।