नयाँ टिगोर इभी : पुरानोको तुलनामा यसकारण छ विशेष

टाटा मोटर्सले टिगोर इभीमा फिचर थप गरेर नयाँ भेरियन्ट लन्च गरेको छ । यो कम्प्याक्ट सेडानले पुरानो मोडलको तुलनामा ९ किलोमिटर अतिरिक्त रेन्ज प्रदान गर्ने वताइएको छ ।

जसका लागी यसमा मल्टिमोड रिजेनेरेशन फङ्सन थप गरिएको छ । जुन हाल उपलब्ध नेक्सन प्राइम र नेक्सन म्याक्समा समेत उपलब्ध छ । उक्त फङ्सन थप गरिएका कारण नयाँ टिगोरले ३१५ किलोमिटर रेन्ज प्रदान गर्ने दावी गरिएको हो ।

लुक्स र डिजाइनमा कुनै परिवर्तन नगरिएको यो कारको क्याविनभित्र भने समान्य परिमार्जन गरिएको छ । यसको टप स्पेक भेरियन्टमा डुअल टोन ड्यासवोर्ड दिइएको छ । साथै ७ इन्चको टचस्क्रिन इन्फोटेन्मेन्ट सिस्टम र डिजिटल इन्स्ट्रयुमेन्ट क्लस्टर दिइएको छ ।

यो नयाँ कारमा क्रूज कन्ट्रोल, टायर प्रेसर मोनिटरिङ सिस्टम, कनेक्टेड कार टेक्नोलोजी र टायर पंचर रिपेयर किट लगायत फिचर थप गरिएको छ । सुरक्षाका लागी अगाडी दुईवटा एयरव्याग दिइएको छ । यसको पावरट्रेनमा कुनै परिमार्जन गरिएको छैन ।

फिचर्स अपडेटसंगै कम्पनीले दुई नयाँ भेरियन्ट समेत थप गरेको छ । जसमध्ये यसअघिको एक्सएम भेरियन्टलाई विस्थापित गरि ल्याइएको एक्सटी भेरियन्टलाई १२ लाख ९९ हजार र एक्सजेड प्लस लक्जरी भेरियन्टको मूल्य १३ लाख ७५ हजार रुपैयाँ निर्धारण गरिएको छ ।

यो कार अवको केही समयपछि नेपाली बजारमा समेत उपलब्ध हुने आधिकारिक विक्रेता सिप्रद्धी ट्रेडिङ स्रोतले बताएको छ ।