नेपालका यी उद्योगपति र प्रतिष्ठित ब्यक्तिले खरिद गरे जिप -यांगलर

अमेरिकन आइकनिक ब्रान्ड जिप -यांगलरलाई डेढ महिना अघि अमेरिकी राजदुत -यान्डी बेरीले एक बिशेष कार्यक्रमका बीच औपचारिक लन्च गरे । लन्च गरिए लगत्तै यो प्रिमियम एसयूभीलाई नेपालमा ठूला उद्योगपति, ब्यावसायी र अन्य हाई प्रोफाइल भएका ब्यक्तिले धमाधम खरिद गरिरहेका छन् ।

हालसम्म डेढ दर्जन युनिट बिक्री भैसकेको -यांगलर एक महंगो र प्रिमियम एसयूभीका रुपमा परिचित छ । यो प्रिमिय एसयूभी अहिले नेपालका हाई प्रोफाइल ब्यक्तिमाझ ‘स्टाटस सिम्बोल’ बनेर उदाएको छ ।

तीन भिन्न भेरिएन्टमा उपलब्ध यो एसयूभीको मूल्य नेपाली बजारमा २ करोड ७९ लाखसम्म कायम गरिएको छ । जसमध्ये अनलिमिटेड सहाराको मूल्य २ करोड ६७ लाख, -यांगलर रुबिकनको २ करोड ६८ लाख र -यांगलर अनलिमिटेड रुबिकनको मूल्य २ करोड ७९ लाख रुपैयाँ निर्धारण गरिएको हो ।

-यागंललाई प्रतिष्ठित व्यवसायी सिद्धार्थ राणादेखि क्याप्टेन रामेश्वर थापा, देबी प्रकाश भट्टचन, अशोक लोहिया, अतुल न्यौपाने, नवराज घिमिरे, राजिव बिक्रम शाह र डा. हरिशचन्द्र न्यौपाने लगायत प्रतिष्ठित ब्यक्तिले खरिद गरेका हुन् । जसमध्ये राणा टाटा गाडीको आधिकारिक बितरक सिप्रदी ट्रेडिङ लगायत अन्य थुप्रै कम्पनीका मालिक हुन् ।

क्याप्टेन रामेश्वर थापा अन्नपूर्ण मिडिया नेटवर्क र सिम्रिक एयरका मालिक हुन् भने देबी प्रकाश भट्टचन प्रभु समूहका अध्यक्ष हुन् । यो समुहले प्रभु बैंक सहित अन्य थुप्रै बैंक तथा वित्तीय संस्था, सेवामुलक क्षेत्र र हाइड्रो पावरमा समेत लगानी गरेको छ ।

त्यसैगरी यो एसयूभी खरिद गर्ने अर्का व्यवसायी अशोक लोहिया महाशक्ति सोपका मालिक हुन् भने अतुल न्यौपाने जदम्बा सिमेन्ट लगायत अन्य थुप्रै निर्माण सामग्री उत्पादन गर्ने शौरभ ग्रुपमा आबद्ध छन् । अन्नपूर्ण ट्राभल्सका मालिक नबराज घिमिरे र चितवन मेडिकल कलेजका सञ्चालक डा. हरिशचन्द्र न्यौपाने पनि जिप -यागंलरका मालिक बनेका छन् । अर्का चर्चित राजनितिज्ञ अर्थात समाजसेवी राजिव बिक्रम शाहले समेत यो एसयूभीलाई आफ्नो निजी साधन बनाएका छन् । यी बाहेक अन्य थुप्रै ठूला उद्यमी, व्यवसायी र चर्चित ब्यक्तिहरुको रोजाइमा जिप -यागंलर पर्दै आइरहेको छ ।

यस्तो छ हाई प्रोफाइलको रोजाइमा पर्न सफल जिप -यागंलर
अफरोडर सेग्मेन्टमा सर्बाधिक शक्तिशाली मानिएको जिप -यांगलरमा ८–स्पिड अटोमेटिक सहित २.० लिटर टर्बो पेट्रोल इन्जिन जडान गरिएको छ । उक्त इन्जिनले २०१ किलोवाट पावर र ४०० एनएम टर्क उत्पन्न गर्छ ।

-यांग्लरको रुबिकन ट्रिममा रकट्रयाक ४ बाई ४ सिस्टम रहेको छ, जसका कारण -यांगलरलाई कठिन भूबनोटमा समेत सहजै कुदाउन सकिन्छ । २१७ एमएमको उच्चतम ग्राउन्ड क्लियरेन्सका कारण पनि यो नेपाली बाटो सुहाउँदो रहेको प्रमाणित हुन्छ ।

त्यसैगरी -यांग्लरमा एक्टिभ र प्यासिभ गरी कुल ७५ प्रकारका सेफ्टी फिचर छन् । त्यसमध्ये केही पार्क असिस्ट सिस्टम, रियर ब्याक अप क्यामेरा, इएससी, टीएससी (ट्रेलर स्वे कन्ट्रोल), एचएसए (हिल स्टार्ट असिस्ट), एचडीसी (हिल डिसेन्ट कन्ट्रोल), ईआरएम (इलेक्ट्रोनिक रोल मिटिगेसन) र टीपीएमएस (टायर प्रेसर मनिटरिङ सिस्टम) हुन् ।

-यांगलरमा ७ स्लट फ्रन्ट ग्रिल, ह्विल आर्च, हेडल्याम्प, स्क्वायर टेललाइट, फोर फ्रेम रिमुभेबल डोर र रुफ तथा फल डाउन विन्डस्क्रिन उपलब्ध छ । यी सबैले जिप -यांगलरलाई आइकनिक बनाएको छ भने यसमा भएको फोर बाई फोर क्षमताले जिपलाई ‘अ लिजेन्ड फरएभर’ साबित गराएको छ । -यांगलर सिधै अमेरिकाबाट आयात गरी नेपाल ल्याइएको हो ।