टेस्ला मोडल ३ लाई माथ दिने दिपल एल०७, नाडामा प्रदर्शन गरिने गाडीमा के छन् विशेष फिचर ?

११ भाद्रबाट सुरु हुने नाडा अटो सोमा विभिन्न ब्रान्डहरुले नयाँ नयाँ मोडलहरु सार्वजनिक गर्ने तयारी गरिरहेका छन् । यसबीच नेपालका लागि चांगान तथा दिपलको आधिकारिक विक्रेता एमएडब्लु अटोकर्पले दिपल एल०७ को सफलतापछि अर्को फ्यागशिप ईभी एल०७ ल्याउने घोषणा गरिसकेको छ ।

तीव्र गतिमा अघि बढिरहेको ईभी बजारमा दिपल एल०७ ले अन्तर्राष्ट्रिय ईभी बजारमा टेस्लाको मोडल ३ लाई कडा प्रतिस्पर्धा दिइरहेको छ । चांगान अटोमोबाइल र हुवावेबीचको सहकार्यमा विकसित गरिएको एल०७ ले अत्याधुनिक प्रविधि र आकर्षक डिजाइनको संयोजन गरेर विश्व ईभी बजारमा आफूलाई टेस्लाको बलियो विकल्पका रुपमा स्थापित गरेको छ ।

फ्युचरिस्टिक प्रविधि
एल०७ उच्च प्रविधिले भरिएको छ । यसममा जेस्चर कन्ट्रोलका माध्यमबाट हातको हाउभाउ प्रयोग गरेर संगीत र फोन कल उठाउने जस्ता काम गर्न सकिन्छ । साथै यसको विन्डशिल्डमा देखिने अगमेन्टेड रियालिटी हेडअप डिस्प्लेले चालकको दृष्टि रेखामा रियल टाइम नेभिगेसन र ड्राइभिङ इन्फर्मेसन प्रदान गर्छ । यसले ड्राइभिङ अनुभवलाई मात्र होइन सुरक्षा स्तरलाई पनि माथि उठाउँछ । यसरी हेर्दा टेस्ला मोडल ३ मा परम्परागत तर उन्नत प्रविधि सेटअप प्रदान गरिएको छ । जसमा ओभर द एयर सफ्टवेयर अपडेट र राम्रो इन्फोटेन्मेन्ट प्रणाली सामेल छ ।

एल०७ टेक्नोलोजिकल पावर हाउस हो जसमा १५.६ इन्चको सनफ्लावर टचस्क्रिन, जेस्चर कन्ट्रोल र अग्मेन्टेड रियालिटी हेडअप डिस्प्ले छ जसले सुरक्षा र आराम दुवै दिलाउँछ । अर्कोतिर टेस्ला मोडल ३ मा चर्चित सफ्टवेयर इकोसिस्टम छ जस्तो कि ओभर द टप एयर अपडेट र टेस्ला अटो पाइलट सिस्टम जसले एड्भान्स्ड ड्राइभर असिस्टेन्स दिन्छ । यसको नयाँ भर्सनमा पनि रियर टचस्क्रिन दिइएको छ । तर यसमा दिपलमा जस्तो जेस्चर कन्ट्रोल भने छैन जसले फ्युचरिस्टिक ड्राइभिङ एक्सपेरियन्स दिन्छ ।

लक्जरी र कम्फर्ट
दिपल एल०७ मा प्रिमियम इन्टेरियर, फ्रेमलेस डोर, प्यानोरामाकि ग्लास रुफ र पावर एड्जस्टमेन्टसहितको पर्फोरेटेड सिट छ । क्याबिनमा डुअल जोन क्लाइमेट कन्ट्रोल र १४ वटा सोनी स्पिकर छन् जसले गज्जबको अडियो अनुभव दिलाउँछ । टेस्ला मोडल ३ को डिजाइन मिनिमलिस्टिक र हाई क्वालिटी मेटरियल प्रयोग गरिएको छ । यसको डिजाइन स्लिक छ । २०२४ भर्सनको टेस्ला मोडल ३ मा १७ वटा स्पिकर छन् र एकोस्टिक इन्सुलेसन छ । तथापि एल०७ मा पछाडिका प्यासेन्जरका लागि दिइएको टचस्क्रिन जस्ता लक्जरी फिचरहरु छन् जसका माध्यमबाट सनरुफ खोल्ने र बन्द गर्ने, अगाडिको सिटलाई अगाडि पछाडि सार्ने तथा तापक्रम मेन्टेन गर्न सकिन्छ ।

पर्फमेन्सको कुरा गर्ने हो भने टेस्ला मोडल ३ तुलनात्मक रुपमा राम्रो छ । यसको लङ रेन्जले ४.२ सेकेन्डमा ० देखि १०० किलोमिटर प्रतिघन्टाको रफ्तार लिन सक्छ । जबकि एल०७ मा त्यस्तो छैन । किनभने यसमा मोटर पावर ९९ किलोवाटको प्रयोग गरिएको छ । तथापि यसले आकर्षक ५४० किलोमिटरको रेन्ज दिनसक्छ । यसको चार्जिङ क्यापाबिलिटी पनि राम्रो छ । साथै यसमा ७० लिटरको फ्रंक प्रयोग गरिएको छ । यसर्थ एल०७ लक्जरी, टेक्नोलोजी र प्राक्टिक्यालिटीको सन्तुलित सम्मीश्रण हो ।

टेस्ला मोडल ३ ले आफ्नो सुपेरियर पर्फमेन्स र प्रमाणित इकोसिस्टमका माध्यमबाट ईभीहरुको मापदण्डका रुपमा आफूलाई स्थापित गरेको छ । उता दिपल एल०७ लक्जरी र टेक्नोलोजिकल अनुभवमा बलियो विकल्पका रुपमा उदाएको छ । तसर्थ डिजाइन र टेक्नोलोजीलाई ध्यान दिनेका लागि एल०७ कम मूल्यको दमदार विकल्प हुनसक्छ ।