ट्रायल पास गरे एक वर्षका लागि क्यूआर कोडसहितको अस्थायी ड्राइभिङ लाइसेन्स पाइने

काठमाडौं – सवारी चालक अनुमतिपत्र (ड्राइभिङ लाइसेन्स) को प्रयोगात्मक परीक्षा (ट्रायल) पास गरेका चालकले अब अस्थायी लाइसेन्स पाउने भएका छन् । एक वर्षका लागि यातायात व्यवस्था विभागले छुट्टै कार्ड जारी गर्न लागेको हो ।

यसका लागि छिट्टै नै क्यूआर कोडसहितको छुट्टै कार्ड ल्याउने तयारी भएको यातायात व्यवस्था विभागले बताएको छ । सो कार्ड एक वर्षको परीक्षण अवधिका लागि प्रयोगमा आउने छ ।

विभागले आउँदो जेठ महिनापछि लाइसेन्स ट्रायलमा नयाँ व्यवस्था गर्न लागेको छ । ट्रायल पास गरेका चालकलाई एक वर्षपछि मात्रै स्मार्ट लाइसेन्स प्रदान गरिने र त्यस अवधिका लागि क्यूआर कोडसहितको लाइसेन्स प्रदान गरिनेछ ।

यस्तो कार्डले ट्राफिक उल्लघंन घट्ने विभागको विश्वास छ ।