सांग्रिला मोटर्सको ‘ह्विल्स अफ सेलिब्रेसन’ आजदेखी सुरु, के–के छन् आकर्षण ?

काठमाडौं – सांग्रिला मोटर्स प्रालिले आफ्नो भव्य कार्यक्रम ‘ह्विल्स अफ सेलिब्रेसन’ आजदेखी सुरु गरेको छ । भदौ २२ गतेसम्म चल्ने उक्त कार्यक्रम उत्तरढोकास्थित शोरुममा आयोजना गरिएको हो ।

५ दिनसम्म चल्ने सो उत्सवमा गाडी प्रेमी र परिवारका लागि रोचक अनुभव, अन्तरक्रियात्मक गतिविधि तथा विशेष अफरहरु प्रस्तुत गरिने जनाइएको छ ।

कम्पनिका अनुसार, कार्यक्रममा सहभागी हुनेहरूले लिपमोटर, सिट्रोन र पूजोका नवीनतम मोडेल टेस्ट ड्राइभ गर्ने अवसर पाउनेछन्, जसले आधुनिक प्रविधि र आरामदायी ड्राइभिङको प्रत्यक्ष अनुभव प्रदान गर्नेछ । प्रत्येक टेस्ट ड्राइभमा विशेष उपहार समेत उपलब्ध गराइएको छ ।

कार्यक्रमलाई थप रमाइलो बनाउन रोचक खेलहरु तथा बालबालिकाका लागि छुट्टै किड्स जोन समेत राखिएको छ । साथै, सहभागीहरूले आफ्ना पुराना सवारीसाधन तत्कालै मूल्याङ्कन गराउन वा एक्सचेन्ज गर्न सक्ने सुविधा समेत पाउने छन् ।

कार्यक्रममा गाडी बुकिङ गर्ने प्रत्येक ग्राहकलाई सोल्टी वेस्टएन्ड रिसोर्टमा निःशुल्क १ रात २ दिनको स्टे उपहार स्वरूप दिइने कम्पनीको भनाई छ । जसले यो अवसरलाई अझै विशेष बनाउने अपेक्षा गरिएको छ ।

‘ह्विल्स अफ सेलिब्रेसन’ हाम्रो ग्राहक प्रतिको आभार प्रकट गर्ने माध्यम हो । टेस्ट ड्राइभ, रमाइलो गतिविधि र विशेष अफरसहित यो कार्यक्रममा प्रत्येक आगन्तुकका लागि केही न केही विशेष हुनेछ,’ सांग्रिला मोटर्सका निर्देशक हेमन्त गोल्छाले भने ।

नेपालको एक अग्रणी अटोमोबाइल वितरकका रुपमा परिचित सांग्रिला मोटर्सले लिपमोटर, सिट्रोन र पुजो जस्ता प्रतिष्ठित अन्तर्राष्ट्रिय ब्रान्डका सवारीसाधन आयात गरी बिक्रिवितरण गर्दै आएको छ । उत्कृष्ट ग्राहक अनुभवप्रति प्रतिबद्ध यस कम्पनीले निरन्तर नवीन समाधान, गुणस्तरीय सवारीसाधन तथा भरपर्दो बिक्री पछिको सेवा प्रदान गर्दै आएको छ ।