सकियो रेसिङ च्याम्पियनसिपको अर्को राउन्ड, यी हुन् विजेता

काठमाडौं – नेपाल रोड रेसिङ च्याम्पियनसिपको राउन्ड २ सम्पन्न भएको छ । यससँगै रेसनारी राउन्ड ३ समेत सम्पन्न भएको छ । बनेपाको चण्डेश्वरी ड्राइभिङ स्कुलमा शनिबार सम्पन्न सो रेसिङ च्याम्पियनसिप नेपाल अटोमोबाइल्स एसोसिएसन (नासा नेपाल) सँगको सहकार्यमा मोटर स्पोर्ट्स नेपाल क्लबले आयोजना गरेको हो ।

यस अनुसार रोड रेसिङ च्याम्पियनसिप अन्तर्गत नेसनलतर्फ श्रीहरी पौडेलले पहिलो स्थान हासिल गरे । त्यसैगरी दिलिप दनुवार दोस्रो र संस्कार विष्ट तेस्रो भए ।

नोभिसतर्फ सायल गजमेर विजयी बने भने क्रिसल थापा र सिमोन चौलागाई क्रमशः दोस्रो र तेस्रो बने ।

रेसनारीतर्फ वर्षा बस्नेत विजयी बनिन् भने नवाङ मोक्तान र सुरक्षा केसीले क्रमशः दोस्रो र तेस्रो स्थान हासिल गरे ।

यामाहा नेपालको मुख्य प्रायोजनमा भएको सो रेसिङ च्याम्पियनसिपमा यामाहा आरवान फाइभ सिरिजका मोटरसाइकल कुदाइएको थियो । यसमा टायर पार्टनर रेजमोटो टायर, सेफ्टी गियर पार्टनर कवच गियर रहेका थिए भने सेल लुब्रिकेन्ट, क्यास्ट्रोल लुब्रिकेन्ट, द वन्डरल्यान्ड नेपाल, हिट्को, मोटो वर्ल्ड, टीएनएस मोटो नेपाल आदिको सहयोग रहेको थियो ।

उक्त च्याम्पियनसिपको मिडिया पार्टनरको रुपमा नेपाल अटो रहेको थियो ।

कार्यक्रम समापनको अवसरमा धुलिखेल नगरपालिकाका प्रमुख अशोक कुमार ब्यान्जु र नासा नेपालका अध्यक्ष दशरथ रिसाल लगायतले पुरस्कार वितरण गरेका थिए ।