१ हजार किलोमिटर सडक कालोपत्रे र २७५ पुल निर्माण गर्ने सरकारको लक्ष्य

काठमाडौं–अर्थमन्त्री डा. स्वर्णिम वाग्लेले आगामी आर्थिक वर्ष २०८३/८४ भित्र १ हजार किलोमिटर सडक कालोपत्रे र २ सय ७५ वटा सडक पुल निर्माण सम्पन्न गर्ने घोषणा गरेका छन् ।

बजेट वक्तव्यमार्फत अर्थमन्त्री वाग्लेले राष्ट्रिय गौरवका आयोजना र रणनीतिक सडकहरूको निर्माणलाई प्राथमिकता दिइएको बताए ।

सरकारले आगामी पाँच वर्षभित्र पूर्व–पश्चिम राजमार्गलाई चार लेनमा विस्तार गर्ने कार्य पूर्ण रूपमा सम्पन्न गर्ने लक्ष्य लिएको छ ।

पूर्वाधारतर्फको विशेष प्राथमिकता उल्लेख गर्दै अर्थमन्त्रीले भने, ‘आगामी आर्थिक वर्षभित्रै कमला–कन्चनपुर र बुटवल–नारायणगढ सडक विस्तारको कार्य सम्पन्न गरिनेछ ।’

यी सडक खण्डहरू समयमै पूरा गरी यातायात आवागमनलाई सहज र सुरक्षित बनाउने सरकारको योजना छ ।