रेनो क्विड इलेक्ट्रिक र नयाँ जेनरेशन डस्टर भारतमा लन्च हुने सम्भावना

रेनो इन्डियाले गत वर्षको सुरुमा आफ्नो कम्प्याक्ट एसयूभी काइगर भारतमा पेश गरेको थियो । काइगरको परफर्मेन्स, इन्धन इफिसिएन्स पावरट्रेन र फिचरको कारण निकै लोकप्रिय बनिरहेको छ । काइगरले रेनोलाई भारतमा पुनः स्थापित गर्न मद्दत गरेको छ ।

कम्पनीले भारतमा क्विड ह्याचब्याक, ट्राइबर र डस्टर पनि बिक्री गर्दै आएको छ । विश्वव्यापी सेमीकन्डक्टर चिप्सको अभावको बाबजुद रेनोले २०२१ मा घरेलु बजारमा कुल १ लाखभन्दा बढी कार बिक्री गर्न सफल भएको थियो ।

रेनोको ब्रान्ड सेल्स एण्ड अपरेसनका वरिष्ठ उपाध्यक्ष फेब्रिस क्याम्बोलिभले हालैका दिनमा बिक्रीको मात्रामा निरन्तर सुधार भएको र क्विड, ट्राइबर र काइगर सीएमएफ–एप्लसमा आधारित भएको बताए । साथै कम्पनीले बी र सी सेगमेन्टमा प्रवेश गर्ने तरिका खोजिरहेको पनि जानकारी दिएका छन् ।

रेनोले हाल निसानसँग मिलेर इलेक्ट्रिफिकेशनको रुपमा काम गरिरहेको छ र कम्पनीले प्रिमियम सेग्मेन्टमा कार बेच्ने क्षमता महत्वपूर्ण हुने बताएको छ । ब्रान्डले आफ्ना इलेक्ट्रिक सवारी साधनका लागि थप स्थानीय सामग्री भएमा वृद्धिलाई गति दिनेछ ।

कम्पनीले भारतमा एक गिगाफ्याक्ट्री स्थापना गर्न खोजिरहेको छ, जसले भविष्यमा इलेक्ट्रिक सवारी साधनहरूको एकीकरण र स्थानीयकरण गर्न अनुमति दिनेछ । रेनोले हाल क्विड ईभी ल्याउने सम्भावनाहरू अध्ययन गरिरहेको छ । रिपोर्टका अनुसार कम्पनीले चाँडै नै दोस्रो जेनरेशन डस्टर भारतमा लन्च गर्ने सम्भावना छ, तर लन्च मिति भने तय गरिएको छैन ।