रेनो अर्काना भारतमा आउने संकेत, नेपाल समेत आउन सक्ने

रेनो इन्डियाले हालै सामाजिक सञ्जालमा रेनो अर्काना एसयूभीको तस्बिर सेयर गर्दै लेखेको छ we're ready for  #movember ↼ ⇀. here's your cue to book yourself in for a check-up. have you come across it?

वार्षिक रुपमा आयोजना गरिने मोभेम्बर मुभमेन्टको समर्थनमा उक्त पोस्ट गरिएको भए पनि रेनो अर्कानाको तस्बिर समेत सार्वजनिक गरिएकाले रेनोले भारतमा सो एसयूभी ल्याउने तयारी गरिरहेको अनुमान गरिएको छ ।

रेनो अर्काना सन् २०१९ मा अन्तर्राष्ट्रिय बजारमा उपलब्ध भइसकेको भए पनि भारत र नेपालमा अझै उपलब्ध छैन । यसका आधारमा सो एसयूभी अब भारतमा उपलब्ध हुने अनुमान गरिएको छ । नेपालमा पनि त्यसपछि उपलब्ध हुन सक्छ ।

रेनो अर्काना सीएमएफ–बी प्लेटफर्ममा बनेको छ, जुन प्लेटफर्ममा आगामी दिनमा रेनो डस्टर र निसान किक्स समेत उपलब्ध हुने बताइएको छ । उक्त एसयूभीमा ८ इन्च टचस्क्रिन इन्फोटेनमेन्ट सिस्टम, ९.३ इन्च डिजिटल इन्स्ट्रयुमेन्ट कन्सोल, बोस साउन्ड सिस्टम आदि विभिन्न आधुनिक फिचर उपलब्ध छन् ।

रेनो अर्कानामा १.३ लिटर टर्बोचार्ज्ड पेट्रोल इन्जिन जडान गरिएको छ, जसले १५४ बीएचपी पावर र २५० एनएम टर्क जेनेरेट गर्छ । यही इन्जिन भारतमा बिक्री हुने रेनो डस्टर र निसान किक्समा पनि प्रयोग गरिएको छ । यसमा सीभीटी अटोमेटिक गियरबक्स उपलब्ध छ ।