कराँते प्रतियोगितामा रेसिङ अटोमोबाइल्सको प्रायोजन

पोखरा–२५ औँ माछापुच्छ्रे फुल कन्ट्याक्ट कराँते तथा सातौँ राष्ट्रिय क्योकुशिन कान कराँते प्रतियोगितामा रेसिङ अटोमोबाइल्स प्रालिले प्रायोजकका रूपमा सहयोग गरेको छ ।

२०८२ साल पौष ३० गतेदेखि माघ १ गतेसम्म पोखरामा सम्पन्न प्रतियोगितामा सहभागी निर्णायक, रेफ्री तथा खेलाडीहरूलाई कम्पनीले जर्सी सहयोग गरेको हो ।

जर्सी वितरण कार्यक्रममा रेसिङ अटोमोबाइल्सका सञ्चालक रुद्र ढुंगेलले खेलकुद क्षेत्रको विकासका लागि निजी क्षेत्रको सक्रिय सहभागिता आवश्यक रहेको बताए । साथै, प्रबन्ध निर्देशक प्रबीन लामिछानेले अनुशासन, आत्मबल र शारीरिक क्षमताको विकासमा कराँतेजस्ता खेलको महत्वपूर्ण भूमिका रहेको उल्लेख गर्दै आगामी दिनमा पनि खेलकुद र खेलाडीहरूलाई निरन्तर सहयोग गर्ने प्रतिबद्धता व्यक्त गरे ।

आयोजकका अनुसार रेसिङ अटोमोबाइल्सको सहयोगले खेलाडीहरूको मनोबल उच्च हुनुका साथै प्रतियोगिता थप व्यवस्थित र प्रभावकारी बन्न सफल भएको छ । प्रतियोगितामा देशभरका विभिन्न तौल समूहका कराँते खेलाडीहरूको सहभागिता रहेको थियो ।

काठमाडौँस्थित रेसिङ अटोमोबाइल्स प्रालि अटोमोटिभ तथा निजी सवारीसाधनको कारोबार गर्ने एक प्रतिष्ठित कम्पनी हो, जसले सामाजिक उत्तरदायित्वअन्तर्गत विभिन्न क्षेत्रमा निरन्तर सहयोग गर्दै आईरहेको छ ।