शुक्रबारबाट सार्वजनिक तथा निजी सवारी साधनमा जोर बिजोर नलाग्ने

काठमाडौं– शुक्रबारबाट सार्वजनिक तथा निजी सवारी साधनमा जोर बिजोर नलाग्ने भएको छ । बिहिबार जिल्ला प्रशासन कार्यालय काठमाडौंमा सरोकावाल निकाय तथा यातायात व्यवसायीहरुबीच बसेको बैठकले शुक्रबारबाट काठमाडौं उपत्यकामा सार्वजनिक तथा निजी सवारी साधनमा लगाउँदै आएको जोर बिजोर प्रणाली हटाउने निर्णय गरेको हो ।

सार्वजनिक तथा निजी सवारीसाधनमा लगाइएको जोर बिजोर प्रणालीले विशेषगरी सार्वजनिक सवारीमा भीडभाड झनै बढेको निष्कर्ष निस्किएसँगै जोरबिजोर हटाउने सहमति भएको छ ।

त्यसो त शुक्रबाट सबै निजी तथा सार्वजनिक सवारीसाधनले स्वास्थ्य मापदण्ड पालना गरेर सडकमा चल्न पाउने निर्णय भएको काठमाडौंका प्रजिअ कालीप्रसाद पराजुलीले बताए ।