पृथ्वी राजमार्ग सञ्चालनमा

काठमाडौं - पृथ्वी राजमार्गअन्तर्गत गल्छी-मलेखु खण्डमा थुप्रिएको लेदो पन्छाएर पहिलो चरणमा अत्यावश्यक सवारीसाधनको आवागमन सुचारु गरिएको छ। पूर्वाधार विकास मन्त्रालयले यस सम्बन्धी जानकारी सार्वजनिक गर्दै राजमार्गमा अलपत्र अवस्थामा रहेका सवारीसाधनलाई सुरक्षित रूपमा गन्तव्यतर्फ पठाइएको बताएको छ।

सडकमा थुप्रिएको लेदो हटाउने, अवरुद्ध भाग सफा गर्ने तथा यातायात सञ्चालनयोग्य बनाउने काम पूरा भएपछि राजमार्ग खुलाइएको हो । सडक सञ्चालनमा आएपछि बाढीका कारण बीच बाटोमै रोकिएका यात्रु तथा सवारीसाधनले राहत पाएका छन् ।

मन्त्रालयले राजमार्ग सञ्चालनमा आए पनि बाढीबाट प्रभावित सडकखण्डमा आवागमनका क्रममा आवश्यक सावधानी अपनाउन आग्रह गरेको छ ।