अन्तर्राष्ट्रिय बजारका लागि सार्वजनिक भयो पियाजियो वान इलेक्ट्रिक स्कुटर

केही दिन पहिले बेइजिङ मोटर शोमा सार्वजनिक गरिएको पियाजियोको इलेक्ट्रिक स्कुटर विश्व बजारका लागि भर्चुअल रुपमा सार्वजनिक गरिएको छ ।

पियाजियो वान इलेक्ट्रिक स्कुटर अर्को महिनाको अन्त्य देखि नै युरोपेली बजारमा बिक्री प्रारम्भ गरिने बताइएको छ ।

यो स्कुटरको वारेमा धेरै तथ्य सार्वजनिक गरिएको छैन । यसमा हब माउन्टेड मोटर रहेको छ, जसले रिमुभेवल अन्डरसिट ब्याट्री प्याक रहेको छ । यसलाई झिकेर वा स्कुटरमै चार्ज गर्न सकिन्छ ।

केही दिन पहिले होन्डा, यामाहा र पियाजियो मिलेर स्वापेबल ब्याट्री प्याक ल्याउने घोषणा गरेका थिए । यो त्यही स्किम अन्तर्गतको ब्याट्री प्याक हो वा होइन भन्ने वारेमा भने अहिले केही बताइएको छैन ।

खुसीको कुरा के छ भने ब्याट्रीलाई सामान्य ५ एमपी सकेटबाट पनि चार्ज गर्न सकिन्छ । यद्यपि चार्ज गर्न कति समय लाग्छ भन्ने वारेमा भने केही बताइएको छैन । यसमा फास्ट चार्जिङ अप्सन पनि उपलब्ध हुने अनुमान गर्न सकिन्छ ।

यसमा यूएसबी चार्जिङ, एलईडी लाइटिङ र दुई वटा राइड मोड हुन सक्ने बताइएको छ ।