१० महिनामा १५५१ इलेक्ट्रिक गाडी भित्रिए नेपालमा, बैशाखमा ७८ मात्र

काठमाडौं – गत बैशाख महिनामा नेपालमा ७८ युनिट मात्र इलेक्ट्रिक गाडी भित्रिएका छन् । भन्सार विभागले सार्वजनिक गरेको नयाँ तथ्यांक अनुसार बैशाख महिनामा सो संख्यामा इलेक्ट्रिक सवारी साधन भित्रिएका हुन् ।

तथ्यांक अनुसार चालु आर्थिक वर्षको साउन देखि बैशाख सम्मको १० महिनामा १५ सय ५१ वटा विद्युतीय सवारीसाधन आयात भएका छन् । यो अवधिमा १०० किलोवाटसम्मका ८०५ वटा गाडी भित्रिएका छन्। १०० देखि २०० किलोवाट सम्मका ७४२ गाडी आयात भएका छन्। २ सय किलोवाट बढीका ४ वटा मात्रै भित्रिएका छन्।

यो भन्दा पहिले चैत महिनासम्म १४ सय ७३ विद्युतीय गाडी भित्रिएका थिए । यस अनुसार बैशाखमा जम्मा ७८ विद्युतीय गाडी भित्रिएका छन् ।