भारतमा विश्वको सबैभन्दा ठूलो ई–स्कुटर फ्याक्ट्री स्थापना गर्दै ओला

अटो क्षेत्रमा इलेक्ट्रिक भेइकलको माग तीव्र गतिमा बढिरहेको छ । सोही मागलाई मध्यनजर गर्दे राइड सेयरिङ कम्पनी ओलाले भारतको तमिलनाडुमा पहिलो ई–स्कुटर कम्पनी चाँडै स्थापना गर्ने भएको छ ।

यसको लागि तमिलनाडु सरकारले सहमति जनाएको छ । ओलाले सो फ्याक्ट्रीको लागि २४०० करोड भारु लगानी गर्ने घोषणा गरेको छ । सो कम्पनी स्थापना गर्दा लगभग १० हजार मानिसले रोजगारी पाउने कम्पनीले दावी गरेको छ ।

ओलाका अनुसार सो कम्पनी विश्वको सबैभन्दा ठूलो कम्पनी हुनेछ । सो कम्पनीको शुरुवाती उत्पादन क्षमता २० लाख युनिट हुनेछ । कम्पनीले सो फ्याक्ट्री १ वर्षमा पुरा गर्ने घोषणा गरेको छ ।