आज न्यु इयर इभ : यसकारण नचलाउनुस् सवारी साधन

आज न्यु इयर इभ हो । सन् २०२१ विदा भएर भोलि देखि २०२२ लाग्दैछ । आज संसारभर उत्साहपूर्वक नयाँ वर्षको स्वागतमा न्यु इयर इभ मनाउने चलन छ । यो चलन नेपालमा पनि छ ।

मोटरिस्टहरुका लागि न्यु इयर इभ वर्षकै सबैभन्दा व्यस्त दिन हुन्छ । केही व्यक्तिहरु अन्तिम समय सम्म सपिङमा व्यस्त हुन्छन् भने कोही घरमा परिवार भेट्नका लागि हतारमा हुन्छन् । त्यसैगरी कोही उत्सव मनाउन पार्टी जादै हुन्छन् । यसले गर्दा साँझमा विशेष गरी सडकमा धेरै गाडीहरु हुन सक्छन् ।

न्यु इयर इभको समयमा गाडी चलाउदै गर्दा विभिन्न कारणले ध्यान अन्यत्रै मोडिन सक्छ । सडक छेउमा विभिन्न प्रकारका म्युजिक सुनिन सक्छ । रेष्टुराँ र विभिन्न स्थानका पार्टी मनाइरहेका व्यक्तिहरुका कारण हल्ला हुन सक्छ । यसले गर्दा आफूलाई मात्र सडक प्रयोग गरिरहेका अन्य व्यक्तिलाई समेत असर पुग्न सक्छ । यसले गर्दा दुर्घटना पनि हुन सक्छ ।

कुनै व्यक्तिहरु रातीसम्म उत्सव मनाएर घर फर्किदा आफै नै ड्राइभ गर्छन् । कतिपयले त अल्कोहल सेवन गरेर उत्सव मनाउने र घर फर्किदा गाडी वा मोटरसाइकल चलाउने पनि गर्छन् । यसले गर्दा गम्भीर दुर्घटनाको सम्भावना हुन्छ । यो अवस्थामा त झन् सवारी साधन चलाउनु घातक हुन्छ ।

यदि न्यु इयर इभ मनाउनु नै छ भने अहिले विकल्पमा रहेका टुटल, पठाओ लगायतका विभिन्न राइड सेयरिङ सुविधाको प्रयोग गर्न सकिन्छ । नजिकै छ भने हिडेरै एक स्थानबाट अर्को स्थानमा पुग्न पनि सकिन्छ ।