बीपी राजमार्गको खुर्कोट–भकुण्डेबेँसी खण्डमा राति गाडी चलाउन रोक

काठमाडौं - बीपी राजमार्ग अन्तर्गत खुर्कोट–भकुण्डेबेँसी खण्डमा राति गाडी चलाउन रोक लगाइएको छ।

जिल्ला प्रशासन कार्यालय काभ्रेपलाञ्चोकले सूचना जारी गर्दै रोशी खोलामा आएको बाढीका कारण क्षतिग्रस्त भई निर्माणको क्रममा रहेको बीपी राजमार्गमा आज बेलुकी ५ बजेदेखि बिहान ५ बजेसम्म सवारी आवागमन पूर्ण रुपमा रोक लगाएको जनाएको छ।

साथै, उक्त समयपछि पनि वर्षा, अुनमानित बाढी र मौसमको अवस्था हेरेर आवश्यकताका आधारमा सडक आवागमन जुनसुकै बेला पनि रोक लगाइन सकिने पनि जनाइएको छ।