बजाजले दर्ता ग-यो ४ नयाँ ट्रेडमार्क नेम, सीएनजीका लागि पनि प्रयोग गर्न सक्ने अनुमान

बजाज अटोले टु ह्विलरका लागि ४ वटा नयाँ नाम ट्रेडमार्क गरेको छ । कम्पनीले नयाँ टु ह्विलर ल्याउन सक्ने अनुमान गरिएको छ । नयाँ नेमप्लेट आगामी सिएनजी बाइकका लागि पनि प्रयोग हुने सम्भावना छ ।

कम्पनीले ग्लाइडर, म्याराथन, ट्रेकर र फ्रिडम नाम दर्ता गरेको छ । कम्पनीले जनवरी २९ र फेब्रुअरी ९ बीच यी ट्रेडमार्कहरूको लागि आवेदन दिएको हो । तर, बजाजको आगामी सीएनजी बाइकमा कुन नेमप्लेट प्रयोग हुनेछ भन्ने निश्चित छैन ।

रिपोर्टका अनुसार ट्रेकर सम्भावित रूपमा एड्भेन्चर बाइकको नाम हुन सक्ने अनुमान छ । बजाजसँग हाल २५० सीसी इन्जिन उपलब्ध छ । साथै, म्याराथनलाई व्यावसायिक सवारीका लागि प्रयोग गर्न सकिने सम्भावना छ ।

ग्लाइडर र फ्रिडममा सीएनजी इन्धन प्रयोग गर्ने अपेक्षा गरिएको छ । सीएनजी बाइकले इन्धन खपत ५५ देखि ६५ प्रतिशतले घटाउन मद्दत गर्नेछ । सीएनजीलाई पेट्रोलभन्दा सफा इन्धन मानिन्छ । यसले लगभग ५० प्रतिशत कम कार्बन डाइअक्साइड र ७५ प्रतिशत कम कार्बन मोनोअक्साइड उत्सर्जन गर्छ । सीएनजी पेट्रोलभन्दा सस्तो पनि हुन्छ ।