रोयल इनफिल्डले नेपाल ल्यायो नयाँ मेटियर ३५०, मूल्य कति ?

काठमाडौं–रोयल इनफिल्डले नेपालमा परिमार्जित सुविधासहितको नयाँ २०२५ मेटियर ३५० मोटरसाइकल सार्वजनिक गरेको छ । कम्पनीले आजदेखि टेस्ट राइड र बुकिङ खुलेको घोषणा गरेको छ ।

सुस्त यात्रादेखि लामो दूरीका आरामदायी क्रूजिङका लागि उपयुक्त मानिने मेटियर ३५० फायरबल, स्टेलर, अरोरा र सुपरनोभा गरी चार भेरियन्टमा उपलब्ध हुनेछ ।

३४९ सिसी क्षमताको नयाँ जे सिरिज इन्जिन जडान गरिएको यस मोटरसाइकलको आधिकतम पावर २०.२ बिएचपी र टर्क २७ एनएम छ ।

नयाँ मेटियर ३५० को सबै भेरियन्टमा एलइडी हेडलाइट राखिएको छ । नयाँ रंग, सुधारिएको फिनिस र अझ आरामदायी सिट तथा राइडिङ पोस्चरसमेत यसमा थपिएको कम्पनीले जनाएको छ ।

राइडिङ अनुभवलाई अझ सहज बनाउन मेटियर ३५० मा परिमार्जित डिजाइन र दैनिक यात्रा तथा लामो दूरी दुवैका लागि उपयोगी सुविधा उपलब्ध गराइएको छ ।

विश्वभर पाँच लाखभन्दा धेरै मेटियर प्रयोगकर्ताको विश्वास जितिसकेको यो मोडेल नेपालमा पनि लोकप्रिय रहेको र नयाँ संस्करणले बजारमा थप ऊर्जा ल्याउने विश्वास व्यक्त गरेको छ ।

यस मोटरसाइकलका लागि दुई प्रकारका ‘एक्सेसरी किट’—अर्बन र ग्रान्ड टुरर—उपलब्ध छन् । जसमा विशेष ह्यान्डलबार, सिट, प्यानियर, फुटरेस्ट लगायतका सुविधाहरू समावेश छन् ।

कम्पनीका अनुसार फायरबल भेरियन्ट प्रारम्भिक मोडेल हो, जसमा अरेन्ज र ग्रे गरी दुई आकर्षक रंगको विकल्प पाइनेछ । यसको मूल्य ५ लाख ७७ हजार राखिएको छ, जसले क्रूजर सेग्मेन्टमा किफायती प्रवेश विकल्प बनाउँछ ।

स्टेलर भेरियन्टमा म्याट ग्रे र म्यारिन ब्लु रंग विकल्प दिइएको छ । बढी परिष्कृत फिनिस र केही अतिरिक्त स्टाइलिङ तत्त्वहरूका कारण यसको मूल्य ५ लाख ८७ हजार तोकिएको कम्पनीले जनाएको छ ।

अरोरा भेरियन्टले रेट्रो अनुभव चाहनेलाई लक्ष्य गरेको छ । रेट्रो ग्रिन र रेड रंगमा उपलब्ध यो संस्करणमा क्लासिक क्रूजरको झल्को दिने डिजाइन झन् बलियो बनाइएको छ । यसको मूल्य ५ लाख ९१ हजार ९ सय निर्धारण गरिएको छ ।

सबैभन्दा प्रिमियम मानिएको सुपरनोभा भेरियन्ट भने ब्ल्याक रंगमा आउनेछ । आधुनिक फिनिस, क्रोम स्पर्श र थप परिमार्जित लुकका कारण यसको मूल्य सूचीमा सबैभन्दा माथि ५ लाख ९७ हजार राखिएको छ ।

नयाँ मोटियर ३५० मा एलईडी हेडल्याम्प, एलईडी लाइट, एलईडी टर्न इन्डिकेटर्स, डीआरएल र डिजिटल एनालग ट्रिपर पोड एलसीडी ड्यासबोर्ड रहेको छ । त्यस्तै, यसमा टाइप सी यूएसबी फास्ट चार्जिङ पोर्ट, असिस्ट एण्ड स्लीप क्लच, एड्जस्टेबल लिबर, डबल डिस्कब्रेक, डबल च्यानल एबीएस, अलोय ह्वील, फ्रन्टमा टेलिस्कोपिक फोर्क र रियरमा प्रिलोड एड्जस्टेबल ट्वीन सक अब्जर्बर लगायत विशेषता पाउन सकिन्छ ।