यस्तो हुनेछ नयाँ टाटा सफारीको डिजाइन, जनवरी २६ मा लन्च हुने

टाटा मोटर्सले २०२१ संस्करणको टाटा सफारी एसयूभी २६ जनवरीमा डेब्यु गर्ने योजना बनाएको छ । लन्च भन्दा पहिला सफारी नेमप्लेटको पहिलो युनिट पुणेमा उत्पादन लाइनबाट बाहिर निकालिएको छ । सो कार खरिदकर्तालाई सजिलो बनाउनको लागि टाटा मोटर्सले टाटा सफारी इमेजिनेटर सुट पेश गरेको छ ।

टाटा सफारी एक्सई, एक्सएम, एक्सटी र एक्सजेट गरी ४ भेरिएन्टमा उपलब्ध हुनेछ । सफारी २०२० अटो एक्सपोमा ग्रेभिटासको रुपमा प्रदर्शित गरिएको थियो । भारतमा सो कार ६ सिटर र ७ सिटरमा प्रस्तुत गरिनेछ । यसको क्याप्टेन सिट र मध्यमा बेन्च सिट पनि हुनेछ ।

ग्रेभिटासको साथ प्यानोरमिक सनरुफ उपलब्ध नहुने बताइएको थियो । तर सफारीको उत्पादन तयारी इकाईमा हालै सनरुफको साथमा देखाएको छ । सो सुविधा केबल रेन्ज टपिङ एक्सटी र एक्सजेड भेरिएन्टको साथमा पेश गरिनेछ ।

रिपोर्टका अनुसार आगामी एसयूभी ३ पेन्ट स्किममा उपलब्ध हुनेछ । जसमा रोयल ब्लु, ओरकस ह्वाइट र डेटोना ग्रे समावेश रहेको छ । अतिरिक्त तेस्रो पंक्तिको साथै सफारीको एक इलेक्ट्रोनिक पार्किङ ब्रेकको साथमा हेरियरमा उपलब्ध रियर डिस्क ब्रेक पनि समावेश हुने अपेक्षा गरिएको छ ।

टाटा सफारीमा पावर दिनको लागि २.० लिटर फोर सिलिन्डर किरोटेक डिजेल इन्जिन समावेश गरिएको छ । जसले १७० पीएसको पावर र ३५० एनएमको टर्क जेनेरेट गर्छ । सो कारमा ६ स्पिड म्यानुअल गियरबक्स र वैकल्पिक ६ स्पिड टर्क कन्भर्टर अटोको साथमा पेश गरिनेछ ।

सफारी कार फ्रन्ट ह्विल ड्राइभ कन्फिगरेसनको साथमा उपलब्ध हुनेछ । यद्यपि टाटा मोटर्स बजारको माग अनुसार फोर ह्विल ड्राइभ एडिसनमा प्रस्तुत गर्न सक्नेछ ।

टाटा सफारीको आधिकारिक बुकिङ २६ जनवरीबाट सुरु गरिनेछ । सो कारको टेस्ट ड्राइभ जनवरीको अन्तिमदेखि सुरु गरिनेछ । सो कारले एमजी हेक्टर प्लस र नयाँ महिन्द्रा एक्सयूभी५०० सँग प्रतिस्पर्धा गर्नेछ ।